Devadoothan 4K Trailer
രഘുനാഥ് പാലേരിയുടെ തിരക്കഥയില്‍ സിബി മലയില്‍ സംവിധാനം ചെയ്ത ചിത്രമാണ് ‘ദേവദൂതന്‍’. മോഹന്‍ലാല്‍, ജയ പ്രദ, വിനീത് കുമാര്‍, മുരളി, ജനാര്‍ദ്ദനന്‍ എന്നിവരാണ് ദേവദൂതനില്‍ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. 2000 ല്‍ റിലീസ് ചെയ്ത ദേവദൂതന്‍ അന്ന് തിയറ്ററുകളില്‍ വന്‍ പരാജയമായെങ്കിലും ഇന്ന് ഈ സിനിമയ്ക്ക് വലിയ ആരാധകവൃന്ദമുണ്ട്. അതുകൊണ്ടാണ് നൂതന സാങ്കേതിക വിദ്യയുടെ സഹായത്തോടെ ദേവദൂതന്‍ റി റിലീസിനു ഒരുങ്ങുന്നത്. ജൂലൈ 26 നാണ് ദേവദൂതന്‍ 4കെ ദൃശ്യ മികവോടെ വീണ്ടും തിയറ്ററുകളില്‍ എത്തുക.
24 വര്‍ഷങ്ങള്‍ക്കു ശേഷം ഒരു സിനിമ റി റിലീസ് ചെയ്യുന്നത് അത്യപൂര്‍വ്വമായി സംഭവിക്കുന്ന കാര്യമാണെന്ന് ദേവദൂതന്റെ 4കെ ട്രെയ്‌ലര്‍ ലോഞ്ചിനിടെ മോഹന്‍ലാല്‍ പറഞ്ഞു. ‘ ഫിലിമില്‍ ചിത്രീകരിച്ചിരിക്കുന്ന ഒരു സിനിമയാണിത്. 24 വര്‍ഷം കഴിയുമ്പോള്‍ ഈ സിനിമ നഷ്ടപ്പെട്ടുപോകാനുള്ള സാധ്യതയുണ്ട്. അന്നുണ്ടായിരുന്ന ലാബുകളില്‍ പലതും ഇന്നില്ല. എന്നാല്‍ ഇതിന്റെ പ്രിന്റ് ഇപ്പോഴുമുണ്ട് എന്നതില്‍ നിന്നുതന്നെ ഈ സിനിമയ്‌ക്കൊരു ഭാഗ്യമുണ്ടെന്നാണ് ഞാന്‍ വിശ്വസിക്കുന്നത്. ആര്‍ക്കോ ആരോടോ എന്തോ പറയാനുണ്ടെന്നാണ് സിനിമയില്‍ പറയുന്നത്. ഇപ്പോള്‍ ഞാന്‍ മനസ്സിലാക്കുന്നു, നിങ്ങളോട് ഞങ്ങള്‍ക്ക് എന്തോ പറയാനുണ്ട്,’ മോഹന്‍ലാല്‍ പറഞ്ഞു.
മലയാള സിനിമയില്‍ തിളങ്ങി നില്‍ക്കുന്ന താരമാണ് ഐശ്വര്യ…
ആരാധകര്‍ക്ക് ഏറെ പ്രിയങ്കരിയായ താരമാണ് അനുഷ്‌ക ഷെട്ടി.…
ആരാധകര്‍ക്ക് ഏറെ പ്രിയങ്കരിയായ നടിയാണ് ശാലിന്‍ സോയ.…
ഞങ്ങള്‍ സന്തുഷ്ടരാണ് എന്ന ചിത്രരത്തില്‍ ജയറാമിന്റെ നായികയായിട്ട്…
ആരാധകര്‍ക്കായി പുതിയ ചിത്രങ്ങല്‍ പങ്കുവെച്ച് കല്യാണി പ്രിയദര്‍ശന്‍.…