തടിച്ചിയാണെന്ന് പറഞ്ഞ് അവസരം ലഭിച്ചില്ല: അഞ്ജു

ബാലതാരമായി എത്തി മലയാളത്തില്‍ ചെറുതും വലുതുമായ നിരവധി കഥാപാത്രങ്ങള്‍ ചെയ്ത വ്യക്തിയാണ് അഞ്ജു. മമ്മൂട്ടിയുടെ നായികയായി അഭിനയിക്കാനുള്ള ഭാഗ്യവും താരത്തിന് ലഭിച്ചിട്ടുണ്ട്.

മുന്‍നിര നടിയായി സിനിമയില്‍ നിറഞ്ഞ് നിന്ന കാലത്താണ് അഞ്ജു വിവാഹിതയാവുന്നത്. ഒരു പ്രായം എത്തിയപ്പോള്‍ അഭിനയിക്കാന്‍ ഇഷ്ടമില്ലാതായി. കല്യാണം കഴിച്ച് കുടുംബവും കുട്ടികളുമൊക്കെയായി ജീവിക്കണം എന്ന് തോന്നി. അങ്ങനെയാണ് താന്‍ വിവാഹം ചെയ്തത് എന്നാണ് ഇതേക്കുറിച്ച് താരം പറയുന്നത്.

ഇപ്പോള്‍ അവസരങ്ങള്‍ കുറഞ്ഞതിനെക്കുറിച്ച് പറയുകയാണ് താരം. തടിച്ചിയാണെന്ന് പറഞ്ഞ് തമിഴ് സിനിമയില്‍ നിന്നും തനിക്ക് അവസരങ്ങള്‍ കുറഞ്ഞു. പലപ്പോഴും അമ്മ കഥാപാത്രങ്ങളിലേക്കും പെങ്ങളുടെ വേഷം ചെയ്യാനും മാത്രമാണ് പലരും ആവശ്യപ്പെട്ടത്. എന്നാല്‍ മീനയും ഖുശ്ബുവും തന്നെ പോലെ തടിച്ചികളായിരുന്നു. എന്നിട്ടും അവര്‍ക്ക് അവസരം ലഭിച്ചു എന്നാണ് താരം പറയുന്നത്.