ആര് കൂടുതല്‍ പണം തരും എന്നാണ് നോക്കാറ്: അജു വര്‍ഗീസ്

മലര്‍വാടി ആട്‌സ് ക്ലബ് എന്ന ചിത്രത്തിലൂടെ മലയാളത്തിലേക്ക് കടന്നുവന്ന താരമാണ് അജു വര്‍ഗീസ്. തുടര്‍ന്ന് വിനീത് ശ്രീനിവാസന്റെ തന്നെ ചിത്രമായ തട്ടത്തിന്‍ മറയത്തില്‍ അജു അവതരിപ്പിച്ച കഥാപാത്രം ശ്രദ്ധിക്കപെട്ടു.

പിന്നീട് നിരവധി ചിത്രങ്ങളില്‍ പ്രധാന കഥാപാത്രങ്ങളെ അവതരിപ്പിച്ചു. ആട്, കുഞ്ഞിരാമായണം, അടി കപ്യാരെ കൂട്ടമണി, ഗോദ, പുണ്യാളന്‍ പ്രൈവറ്റ് ലിമിറ്റഡ്, ആട് 2, അരവിന്ദന്റെ അതിഥികള്‍, ഹെലന്‍, ആദ്യരാത്രി തുടങ്ങിയവ അഭിനയിച്ച ചിത്രങ്ങളില്‍ പ്രധാനപ്പെട്ടവയാണ്.

ഇപ്പോള്‍ വേഷങ്ങള്‍ തിരഞ്ഞെടുക്കുന്നതിനെക്കുറിച്ച് സംസാരിക്കുകയാണ് താരം. ഒരു സിനിമ ചെയ്യുമ്പോള്‍ കഥ ചോദിക്കാറില്ല. പകരം അതിന്റെ വേഷം, രൂപം എന്നീ കാര്യങ്ങളാണ് താന്‍ ചോദിക്കുന്നത്. ആരാണ് കൂടുതല്‍ കാശ് തരുന്നത് എന്ന് മാത്രമാണ് താന്‍ ചിന്തിക്കുന്നത് എന്നും അജു പറയുന്നു.