ഭ്രമയുഗം ഇനി ഒടിടിയില്‍ കാണാം; അറിയേണ്ടതെല്ലാം

മമ്മൂട്ടി ചിത്രം ഭ്രമയുഗം ഒടിടി പ്ലാറ്റ്‌ഫോമിലേക്ക്. മാര്‍ച്ച് 15 നാണ് ഒടിടി റിലീസ്. സോണി ലിവില്‍ ആണ് സംപ്രേഷമം ചെയ്യുക. മലയാളത്തിനു പുറമേ തമിഴ്, തെലുങ്ക്, കന്നഡ, ഹിന്ദി ഭാഷകളിലും ഭ്രമയുഗം കാണാം.

ചിത്രത്തിന്റെ ആഗോള കളക്ഷന്‍ ഇതിനോടകം 60 കോടി എത്തിയിട്ടുണ്ട്. രാഹുല്‍ സദാശിവന്‍ സംവിധാനം ചെയ്ത ഭ്രമയുഗം ഫെബ്രുവരി 15 നാണ് തിയറ്ററുകളിലെത്തിയത്. മമ്മൂട്ടി നെഗറ്റീവ് വേഷത്തിലാണ് ചിത്രത്തില്‍ അഭിനയിച്ചിരിക്കുന്നത്.

30 കോടിക്ക് അടുത്താണ് ഭ്രമയുഗത്തിന്റെ ഒടിടി ബിസിനസ് നടന്നിരിക്കുന്നതെന്നാണ് റിപ്പോര്‍ട്ട്. ഹോട്ട്സ്റ്റാര്‍ 20 കോടി ഓഫര്‍ ചെയ്തെങ്കിലും നിര്‍മാതാക്കള്‍ ഒടിടി അവകാശം നല്‍കാന്‍ തയ്യാറായില്ല. ഒടുവില്‍ 25 കോടിക്ക് മുകളില്‍ നല്‍കാന്‍ സോണി ലിവ് തയ്യാറാകുകയായിരുന്നു.