നല്ല കഥകള്‍ വന്നാല്‍ ഉറപ്പായും മലയാളത്തില്‍ അഭിനയിക്കും; ആലിയ ഭട്ട്

ബോളിവുഡിലെ താരസുന്ദരിമാരില്‍ മുന്‍നിരയില്‍ തന്നെയുള്ള വ്യക്തിയാണ് ആലിയ ഭട്ട്. ക്യൂട്ട് ചിരിയും ഹോട്ട് ലുക്കും മികച്ച അഭിനയവും നെപോട്ടിസത്തിനപ്പുറത്തേക്ക് വളര്‍ന്ന താരമെന്ന ഖ്യാതി ആലിയയ്ക്ക് നേടി കൊടുത്തു.

ബോളിവുഡില്‍ ഏറ്റവും കൂടുതല്‍ പ്രതിഫലം വാങ്ങുന്ന താരങ്ങളിലൊരാളിലേക്കുള്ള ആലിയയുടെ വളര്‍ച്ച തന്നെ അവരുടെ അഭിനയ മികവിന്റെയും ഹിറ്റുകളുടെയും തെളിവാണ്.

ഇപ്പോഴിതാ മികച്ച അവസരം ലഭിച്ചാല്‍ മലയാളത്തില്‍ അഭിനയിക്കുമെന്ന് പറയുകയാണ് നടി. നല്ല കഥകള്‍ ലഭിച്ചാല്‍ ഉറപ്പായും മലയാളത്തില്‍ അഭിനയിക്കാന്‍ താന്‍ തയ്യാറാണെന്നാണ് ആലിയ പറയുന്നത്.