പ്രായക്കുറവ് കാരണം ആദ്യം മടിച്ചു; നിക്കിനെക്കുറിച്ച് പ്രിയങ്ക

ബോളിവുഡ് ഏറ്റവും കൂടുതല്‍ ആഘോഷിക്കുന്ന ദമ്പതിമാരില്‍ മുന്‍നിരയില്‍ തന്നെയാണ് പ്രിയങ്ക ചോപ്രയും നിക്ക് ജോനാസും. സംഗീത പ്രേമികള്‍ക്ക് ഏറെ സുപരിചിതനായ അമേരിക്കന്‍ ഗായകന്‍ നിക്കുമായുള്ള പ്രിയങ്കയുടെ പ്രണയവും വിവാഹവുമെല്ലാം ബോളിവുഡില്‍ വലിയ വാര്‍ത്തയായിരുന്നു.

വാടക ഗര്‍ഭധാരണത്തിലൂടെ ഇരുവരും ഒരു പെണ്‍കുഞ്ഞിന് ജന്മം നല്‍കിയതും ബോളിവുഡിന്റെ ഇഷ്ട സംസാര വിഷയമായി. ഇപ്പോള്‍ നിക്കിനെക്കുറിച്ച് തുറന്ന് സംസാരിക്കുകയാണ് പ്രിയങ്ക.

സോഷ്യല്‍ മീഡിയയിലൂടെ മെസേജ് അയച്ചു എന്നല്ലാതെ നിക്കിനൊപ്പം ഡേറ്റിന് പോകാന്‍ തനിക്ക് മടിയായിരുന്നു. നിക്കിന് മുമ്പുള്ള ബന്ധം അവസാനിക്കാറായ ഘട്ടത്തിലായിരുന്നു. എനിക്ക് 35 വയസും നിക്കിന് 25 വയസും. തനിക്ക് സെറ്റില്‍ഡ് ആകാനായിരുന്നു താല്‍പര്യം. എന്നാല്‍ നിക്കിന്റെ ഉള്ളില്‍ എഴുപത് വയസുകാരന്റെ പക്വതയുണ്ടെന്ന് പിന്നീടാണ് താന്‍ മനസിലാക്കിയതെന്നും പ്രിയങ്ക പറയുന്നു.