Categories: latest news

വീണ്ടും ലാലേട്ടൻ-തരുൺ മൂർത്തി മാജിക്; ക്രിസ്മസ് ആഘോഷമാക്കാൻ മോഹൻലാൽ എത്തുന്നു

മലയാള സിനിമയിലെ വമ്പൻ വിജയമായിരുന്ന ‘തുടരും’ എന്ന ചിത്രത്തിന് ശേഷം മോഹൻലാലും സംവിധായകൻ തരുൺ മൂർത്തിയും വീണ്ടും ഒന്നിക്കുന്ന ‘അതിമനോഹര’ത്തിന്റെ പുതിയ ഒഫീഷ്യൽ പോസ്റ്റർ പുറത്തിറങ്ങി. മോഹൻലാൽ തന്റെ സോഷ്യൽ മീഡിയ പേജുകളിലൂടെയാണ് ഈ പുതിയ പോസ്റ്റർ ആരാധകർക്കായി പങ്കുവെച്ചത്. പോലീസ് യൂണിഫോമിൽ ഒരു കയ്യിൽ ബാഗും മറുകയ്യിൽ തൊപ്പിയുമായി ഗൗരവത്തോടെ നടന്നു നീങ്ങുന്ന മോഹൻലാലിനെയാണ് പോസ്റ്ററിൽ കാണാനാവുക. ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആഷിഖ് ഉസ്മാൻ നിർമ്മിക്കുന്ന ഈ ചിത്രം ക്രിസ്മസ് റിലീസായി ഡിസംബർ 24-ന് ആഗോളതലത്തിൽ തിയേറ്ററുകളിലെത്തും.

നേരത്തെ പുറത്തുവന്ന ഫസ്റ്റ് ലുക്ക് പോസ്റ്ററുകളും ചിത്രത്തിലെ ‘സുന്ദര രാവണൻ’ എന്ന ആദ്യ ഗാനവും വലിയ സ്വീകാര്യത നേടിയതിന് പിന്നാലെയാണ് പുതിയ അപ്ഡേറ്റ് എത്തിയിരിക്കുന്നത്. ടി.എസ്. ലവ്‌ലജൻ എന്ന പോലീസ് സബ് ഇൻസ്പെക്ടറുടെ വേഷത്തിലാണ് മോഹൻലാൽ ഈ ചിത്രത്തിൽ എത്തുന്നത്. ഒരു സാധാരണ പോലീസ് ഉദ്യോഗസ്ഥന്റെ ഔദ്യോഗിക ജീവിതത്തിലെ സമ്മർദ്ദങ്ങളും വ്യക്തിജീവിതത്തിലെ പ്രതിസന്ധികളും കോർത്തിണക്കിയുള്ള ഒരു ഫാമിലി-പൊലീസ് ഡ്രാമയായാണ് ചിത്രം ഒരുക്കിയിരിക്കുന്നത്. മീര ജാസ്മിൻ നായികയാകുന്ന ചിത്രത്തിൽ ലാലു അലക്സ്, മനോജ് കെ. ജയൻ, ജഗദീഷ്, മുകേഷ്, സിദ്ദിഖ്, ഇർഷാദ്, ബിനു പപ്പു തുടങ്ങിയ വൻ താരനിരയും അണിനിരക്കുന്നുണ്ട്.

രതീഷ് രവി തിരക്കഥയൊരുക്കുന്ന ചിത്രത്തിന് ജേക്സ് ബിജോയ് ആണ് സംഗീതവും പശ്ചാത്തല സംഗീതവും നിർവ്വഹിക്കുന്നത്. ഷാജികുമാർ ഛായാഗ്രഹണവും ഷഫീഖ് വി.ബി എഡിറ്റിംഗും നിർവ്വഹിക്കുന്ന ചിത്രത്തിന്റെ സഹസംവിധായകൻ ബിനു പപ്പു ആണ്.

അനില മൂര്‍ത്തി

Recent Posts

ഉണ്ണി മുകുന്ദൻ ഫിലിംസ് അവതരിപ്പിക്കുന്ന ‘ഗുരുവായൂർ അരങ്ങേറ്റം’; നായകനായി ഉണ്ണി മുകുന്ദൻ എത്തുമോ? ആകാംക്ഷയിൽ ആരാധകർ

ഗുരുവായൂർ ക്ഷേത്രത്തിന്റെ പശ്ചാത്തലത്തിൽ ഒരുങ്ങുന്ന 'ഗുരുവായൂർ അരങ്ങേറ്റം'…

2 minutes ago

നിഗൂഢ ആചാരത്തിന്റെ ചുരുളഴിക്കാൻ ജയസൂര്യ; ഭയവും ആകാംക്ഷയും നിറച്ച് ‘മായൻ’ ട്രെയിലർ പുറത്ത്

കേരളത്തിലെ ചില പുരാതന ക്രൈസ്തവ കുടുംബങ്ങളുമായി ബന്ധപ്പെട്ട്…

6 minutes ago

മലയാളികൾ ഇന്നും നെഞ്ചേറ്റുന്ന ‘നാടൻ പെണ്ണും നാട്ടുപ്രമാണിയും’ 25 വർഷങ്ങൾ പിന്നിടുമ്പോൾ!

കാലമെത്ര കഴിഞ്ഞാലും, ടെലിവിഷനിലോ യൂട്യൂബിലോ കണ്ടാൽ ചാനൽ…

13 hours ago

സ്ലീവ്‌ലെസ് ബ്ലൗസിൽ ട്രെൻഡ് സെറ്ററായി അനുമോൾ!

സ്ലീവ്‌ലെസ് ബ്ലൗസുകൾ ഫാഷൻ ലോകത്ത് വീണ്ടും തരംഗമാകുമ്പോൾ,…

1 day ago