Suresh Kumar
രോമാഞ്ചം കണ്ടിട്ട് യുവതലമുറ ചിരിക്കുന്നതു പോലെ തനിക്ക് ചിരി വന്നില്ലെന്ന് നിര്മാതാവ് സുരേഷ് കുമാര്. ലോകേഷ് കനകരാജിന്റെ സിനിമകള് കാണുന്നതു പോലെ ഇന്നത്തെ തലമുറ മലയാള സിനിമ കാണുന്നില്ലെന്നും സുരേഷ് കുമാര് പറഞ്ഞു. നിയമസഭാ രാജ്യാന്തര പുസ്തകോത്സവത്തിന്റെ ഭാഗമായി സംഘടിപ്പിച്ച ‘സ്മൃതി സന്ധ്യ’യില് എണ്പതുകളിലെ മലയാള സിനിമ എന്ന വിഷയത്തില് സംസാരിക്കുകയായിരുന്നു അദ്ദേഹം.
ഇപ്പോഴത്തെ പ്രേക്ഷകര് ലോകേഷ് കനകരാജിനെയും നെല്സനെയും ബാക്കിയുള്ളവരെയും ഫോളോ ചെയ്യുന്നത് പോലെ മലയാള സിനിമയെ ഫോളോ ചെയ്യുന്നുണ്ടോ എന്ന് തനിക്ക് സംശയമുണ്ടെന്നാണ് സുരേഷ് കുമാര് പറഞ്ഞത്.
‘തമിഴ് സിനിമയ്ക്ക് ഇവിടെ വലിയ പ്രേക്ഷകരുണ്ട്. ലിയോ എന്ന സിനിമ കണ്ടിട്ട് എനിക്കൊന്നും തോന്നിയില്ല. അതില് ക്ലൈമാക്സിലെ ഫൈറ്റില് 200 പേരെ ഒരാള് അടിച്ചിടുന്നുണ്ട്. അത്തരം സൂപ്പര് ഹ്യൂമന് ആയിട്ടുള്ള ആളുകള് ഉണ്ടോ? പക്ഷേ അതാണ് എല്ലാവര്ക്കും ഇഷ്ടമെന്ന് കയ്യടി കണ്ടപ്പോള് മനസിലായി,’
‘രോമാഞ്ചം ഞാന് പോയി കണ്ടാല് എനിക്ക് അത്ര രസകരമായി തോന്നില്ല. നിങ്ങള് പോയിരുന്ന് ചിരിക്കുന്നുണ്ട്. ആ പടം കണ്ടിട്ട് സത്യത്തില് എനിക്ക് ചിരി വന്നില്ല. ആ പടം മോശമാണെന്നല്ല ഞാന് പറയുന്നത്. എനിക്കത് അത്ര ആസ്വദിക്കാന് പറ്റിയില്ല. നിങ്ങള്ക്ക് അത് ആസ്വദിക്കാന് പറ്റുന്നുണ്ടായിരിക്കും.’ സുരേഷ് കുമാര് പറഞ്ഞു.
തമിഴ് ടെലിവിഷൻ പ്രേക്ഷകരുടെ പ്രിയപ്പെട്ട പരമ്പരകളിലൂടെ ശ്രദ്ധേയയായ…
സോഷ്യൽ മീഡിയയിൽ വീണ്ടും ചർച്ചയാവുകയാണ് നടി ശ്രുതി…
സോഷ്യൽ മീഡിയയിൽ ഇപ്പോൾ ഏറ്റവും കൂടുതൽ ചർച്ചയാകുന്ന…
മലയാളത്തിലൂടെ കരിയര് ആരംഭിച്ച്, തമിഴിലടക്കം സ്വന്തമായൊരു ഇടം…
തന്റെ അഭിപ്രായങ്ങള് വെട്ടിത്തുറന്ന് പറയുന്ന ശീലക്കാരിയാണ് ശ്രുതി…
സംഗീത സംവിധായകനും നടനുമായ വിജയ് ആന്റണിയുടെ മകളുടെ…