എന്ത് പറഞ്ഞാലും ക്ഷമയോടെ കേട്ടിരിക്കും; ഭര്‍ത്താവിനെക്കുറിച്ച് അമല

ആരാധകര്‍ക്ക് ഏറെ പ്രിയങ്കരിയായ നടിയാണ് അമല പോള്‍. കഴിഞ്ഞ ദിവസമാണ് താരം വീണ്ടും വിവാഹിതയായത്.അടുത്ത സുഹൃത്ത് ജഗത് ദേശായിയാണ് അമലയുടെ പങ്കാളി.

താരത്തിന്റെ പിറന്നാള്‍ ദിനത്തില്‍ ജഗദ് ദേശായി വിവാഹ അഭ്യര്‍ത്ഥന നടത്തുന്ന വീഡിയോ സോഷ്യല്‍ മീഡിയയില്‍ വൈറലായിരുന്നു. എന്നാല്‍ വിവാഹത്തെക്കുറിച്ച് ഇരുവരും സൂചനകളൊന്നും നല്‍കിയിരുന്നില്ല. ദീര്‍ഘനാളത്തെ സൗഹൃദമാണ് ഇരുവരെയും വിവാഹത്തില്‍ എത്തിച്ചിരിക്കുന്നത്.

ഇപ്പോള്‍ ഭര്‍ത്താവിനെക്കുറിച്ച് മനസ് തുറന്നിരിക്കുകയാണ് താരം.എന്ത് പറഞ്ഞാലും ക്ഷമയോടെ കേട്ടിരിക്കുന്ന ഒരു ഭര്‍ത്താവാണ് തന്റേതെന്നാണ് അമല പറയുന്നത്. ടോം ആന്‍ഡ് ജെറി എന്ന ലോക പ്രശസ്ത കാര്‍ട്ടൂണിലെ ജെറിയും ട്വീറ്റി എന്ന താറാവ് കുഞ്ഞും തമ്മിലുള്ള സംഭാഷണം നടക്കുന്ന വീഡിയോ പോസ്റ്റ് ചെയ്താണ് അമല ജഗത്തിന്റെ ഒരു സ്വഭാവത്തെക്കുറിച്ച് സൂചന നല്‍കിയത്.