കാതല് കോട്ടൈ എന്ന ചിത്രത്തിലൂടെ തമിഴ് സിനിമയില് കരിയര് ആരംഭിച്ച അജിത്ത് വളരെ വേഗം തമിഴകത്തിന്റെ തലയായി മാറി. തമിഴ്, തെലുങ്ക്, ഹിന്ദി ഭാഷകളില് അഭിനയിച്ച തല ഇന്ന് തെന്നിന്ത്യയിലെ പകരം വക്കാന് ഇല്ലാത്ത സൂപ്പര് സ്റ്റാറാണ്. കരിയറിന്റെ തുടക്കം മുതല് അജിത്തിന് ലഭിച്ച ആരാധക പിന്തുണയും അമ്പരിപ്പിക്കുന്നതാണ്. താരത്തിന്റെ ഓരോ സിനിമയും ആരാധകര് ആഘോഷമാക്കി മാറ്റാറുണ്ട്.
തൊണ്ണൂറുകളുടെ അവസാനത്തില് സിനിമാലോകത്ത് പ്രശസ്തനായ അദ്ദേഹം തുടരെ തുടരെ ഹിറ്റുകള് സമ്മാനിച്ചു. വാലി എന്ന ചിത്രത്തിലെ പ്രകടനത്തിന് മികച്ച നടനുള്ള ഫിലിം ഫെയര് അവാര്ഡ് ലഭിച്ചതോടെ സംവിധായകര് താരത്തെ തേടിയെത്തി. തമിഴിലെ പ്രഗല്ഭരായ സംവിധായകര്ക്കൊപ്പം അജിത് സിനിമകള് ചെയ്തിട്ടുണ്ട്. എന്നാല് തമിഴിലെ മുന്നിര സംവിധായകനായ ബാലക്കൊപ്പം സിനിമ ചെയ്യാന് അദ്ദേഹം തയ്യാറായിട്ടില്ല.
ഇതിന്റെ കാരണം പറഞ്ഞുകൊണ്ട് സിനിമാ നിരൂപകന് ചെയ്യാറൂ ബാലു പറഞ്ഞ വാക്കുകള് ഇപ്പോള് സോഷ്യല് മീഡിയയില് വൈറലായിക്കൊണ്ടിരിക്കുകയാണ്. ”ബാലയുടെ നാന് കടവുള് എന്ന ചിത്രത്തില് നായകനായി ആദ്യം തീരുമാനിച്ചത് അജിത്തിനെയാണ്. ചിത്രത്തിനായി മുടി നീട്ടി വളര്ത്തണമെന്ന് ആവശ്യപ്പെട്ടതിനെ തുടര്ന്ന അജിത്ത് തയ്യാറെടുപ്പുകള് ആരംഭിച്ചിരുന്നു. എന്നാല് പിന്നീട് ഉണ്ടായ തര്ക്കങ്ങളെ തുടര്ന്ന് സിനിമ ഉപേഷിക്കുകയായിരുന്നു’ ചെയ്യാറൂ ബാല പറയുന്നു.
‘ഹോട്ടല് മുറിയില് വച്ചുണ്ടായ തര്ക്കത്തിനിടയില് സംവിധായകനും സുഹൃത്തുകളും ചേര്ന്ന് അജിത്തിനെ മര്ദിച്ചു. സംഭവത്തിന് ശേഷം താരം കടുത്ത വിഷാദത്തിലായിരുന്നു. ഇരുപത് ദിവസത്തോളം അദ്ദേഹം ആരോടും മിണ്ടിയിരുന്നില്ല. എന്നാല് മാധ്യമങ്ങളോട് ഇതിനെ പറ്റി റിപ്പോര്ട്ട് ചെയ്യരുതെന്നും ഇതൊരു വലിയ വാര്ത്തയായാല് സംവിധായകന്റെ കരിയര് പാഴായി പോകുമെന്നാണ് അജിത് പറഞ്ഞത്’ ചെയ്യാറു ബാലു കൂട്ടിച്ചേര്ത്തു.
സോഷ്യല് മീഡിയ പോസ്റ്റുകളെക്കുറിച്ചുള്ള മാധ്യമ പ്രവര്ത്തകരുടെ ചോദ്യങ്ങള്ക്ക്…
മലയാളി പ്രേക്ഷകരുടെയും തമിഴ് സിനിമാ പ്രേമികളുടെയും പ്രിയതാരമായ…
sxഎല്ലാവരും ഓണാഘോഷത്തിന് തയ്യാറായി കഴിഞ്ഞു. ഓണം സ്പെഷ്യല്…