അമ്മ എന്നെ കെട്ടിപ്പിച്ചു മോനെ എന്ന് വിളിക്കുന്ന നിമിഷം ഞാന്‍ എല്ലാം മറന്നുപോകും; അമൃതാനന്ദമയിയെ കുറിച്ച് ജയറാം

മലയാളികള്‍ക്ക് എക്കാലവും പ്രിയപ്പെട്ട നടനാണ് ജയറാം. 1988ല്‍ പദ്മരാജന്‍ സംവിധാനം ചെയ്ത അപരന്‍ എന്ന ചലച്ചിത്രത്തില്‍ നായകവേഷം ചെയ്തുകൊണ്ടാണ് സിനിമയില്‍ എത്തിയത്. അതിനു മുന്‍പ് മിമിക്രി വേദികളിലും താരം സജീവമായിരുന്നു.

സത്യന്‍ അന്തിക്കാട്, രാജസേനന്‍ തുടങ്ങിയ പ്രശസ്ത മലയാളചലച്ചിത്രസംവിധായകരുടെ ധാരാളം ചിത്രങ്ങളില്‍ ജയറാം അഭിനയിച്ചിട്ടുണ്ട്. ഇവയില്‍ മിക്കവയും ഉന്നത വിജയം കൈവരിച്ച ചിത്രങ്ങളായിരുന്നു. വീണ്ടും ചില വീട്ടുകാര്യങ്ങള്‍, സന്ദേശം, മേലേപ്പറമ്പില്‍ ആണ്‍വീട് തുടങ്ങിയ ചിത്രങ്ങള്‍ ഇവയില്‍ ചിലതു മാത്രമാണ്.

ഇപ്പോള്‍ മാതാഅമൃതാനന്ദമയിയെക്കുറിച്ച് താരം പറഞ്ഞ വാക്കുകയാണ് വൈറലായിരിക്കുന്നത്. അമ്മയെ കാണുമ്പോള്‍ താന്‍ എല്ലാം മറക്കും എന്നാണ് ജയറാം പറയുന്നത്. ഫ്‌ലൈറ്റില്‍ അമ്മയ്ക്ക് തൊട്ട് അടുത്തിരുന്ന് യാത്ര ചെയ്യാന്‍ ആയിട്ടുണ്ട്. അങ്ങനെ ഒരുപാട് സന്ദര്‍ഭങ്ങളുണ്ട് ഓര്‍ത്തെടുക്കാന്‍. അമ്മയെ കാണുന്ന നിമിഷം അമ്മ എന്നെ കെട്ടിപ്പിച്ചു കൊണ്ട് മോനെ എന്ന് വിളിക്കുന്ന നിമിഷം. ആ ഒരു സമയം ഞാന്‍ എല്ലാം മറന്നുപോകും എന്നും ജയറാം പറയുന്നു.