Categories: latest news

ഒരിക്കലും അഭിനയിക്കില്ലയെന്ന് തോന്നിയിട്ടില്ല, പക്ഷെ! സിനിമയിൽ നിന്ന് വിട്ടുനിൽക്കാൻ കാരണം വ്യക്തമാക്കി സംഗീത

മലയാളി സിനിമ പ്രേക്ഷകർ അത്രവേഗം മറക്കാനിടയുള്ള മുഖവും പേരുമല്ല സംഗീതയുടേത്. ഒരുക്കാലത്ത് മോളിവുഡിലെ വമ്പൻ ഹിറ്റുകളുടെയെല്ലാം ഭാഗമായ നായിക. അഭിനയ മികവുകൊണ്ടും ഭാവ പ്രകടനങ്ങൾക്കൊണ്ടും മലയാളി മനസിൽ തന്റേതായ ഇടമുറപ്പിക്കാൻ സംഗീതയ്ക്ക് സാധിച്ചു. ചിന്താവിഷ്ടയായ ശ്യാമള, ക്രൈം ഫയൽ, വാഴുന്നോർ തുടങ്ങിയ ഒട്ടനവധി ചിത്രങ്ങളിൽ കഥാപാത്രങ്ങൾ അതിന് അവരെ സഹായിക്കുകയും ചെയ്തു. ഒരു വലിയ ഇടവേളയ്ക്ക് ശേഷം വീണ്ടും ബിഗ് സ്ക്രീനിൽ വമ്പൻ തിരിച്ചുവരവ് നടത്തുകയാണ് അവർ. ടിനു പാപ്പച്ചൻ സംവിധാനം ചെയ്യുന്ന ചാവേറിലൂടെയാണ് മടങ്ങി വരവ്. 

ഇത്രയും വലിയ ഇടവേളയ്ക്ക് കാരണം മറ്റ് പ്രയോറീറ്റീസായിരുന്നെന്നാണ് സംഗീത തന്നെ പറയുന്നത്. “ ഒരിക്കലും അഭിനയിക്കില്ല എന്ന് എനിക്ക് തോന്നിയിട്ടില്ല. ഓരോ ഓഫറുകളും വരുമ്പോൾ എനിക്ക് പ്രയോറിറ്റി മകളും കുടുംബവും ആയിരുന്നു. മകളുടെ എക്സാം, മകളുടെ കാര്യങ്ങൾ,അവളുടെ ഹെൽത്ത് ഒക്കെ ആയിരുന്നു ഞാൻ കൂടുതലും നോക്കിയത്.” ഇന്ത്യയിൽ തന്നെയുണ്ടായിരുന്നുവെന്നും പിന്നീട് മകളുടെയും കുടുംബത്തിന്റെയുമൊപ്പമായിരുന്നുവെന്നും അവർ വ്യക്തമാക്കി. 

അതേസമയം സിനിമയിലെ മാറ്റങ്ങളെക്കുറിച്ചും സംഗീത മനസ് തുറന്നു. ഇത്രയും വർഷങ്ങൾക്ക് ശേഷം മടങ്ങി വരുമ്പോൾ എല്ലാം മാറ്റങ്ങളാണ്. അഭിനയിക്കാൻ പറയുന്നത് മാത്രം മാറിയിട്ടില്ല. ബാക്കി ടെക്നിക്കൽ സൈഡുകൾ എല്ലാം നല്ല മാറ്റങ്ങൾ ആയിരുന്നു. അഭിനയത്തിന് ഇടവേള നൽകിയപ്പോഴും സിനിമയിൽ നിന്ന് അകലാൻ താരത്തിന് സാധിച്ചിരുന്നില്ലയെന്നതാണ് മറ്റൊരു വസ്തുത. ഇക്കാലയളവിൽ ഇറങ്ങിയ ചിത്രങ്ങളെല്ലാം കാണാറുണ്ടായിരുന്നുവെന്ന് സംഗീത ഏഷ്യനെറ്റ് ന്യൂസിന് നൽകിയ അഭിമുഖത്തിൽ പറഞ്ഞു. 

അനില മൂര്‍ത്തി

Recent Posts

വിവാദങ്ങളെ അതിജീവിച്ച് അഭിനയലോകത്ത് സജീവമായി ശ്രുതി നാരായണൻ!

തമിഴ് ടെലിവിഷൻ പ്രേക്ഷകരുടെ പ്രിയപ്പെട്ട പരമ്പരകളിലൂടെ ശ്രദ്ധേയയായ…

1 hour ago

ഐറ്റം ഡാന്‍സ് ചെയ്യില്ലെന്ന നിലപാട് മാറ്റാന്‍ കാരണം; തുറന്ന് പറഞ്ഞ് രജിഷ വിജയന്‍

മലയാളത്തിലൂടെ കരിയര്‍ ആരംഭിച്ച്, തമിഴിലടക്കം സ്വന്തമായൊരു ഇടം…

9 hours ago

എപ്പോഴാണ് കല്യാണം തുറന്ന് പറഞ്ഞ് ശ്രുതി ഹാസന്‍

തന്റെ അഭിപ്രായങ്ങള്‍ വെട്ടിത്തുറന്ന് പറയുന്ന ശീലക്കാരിയാണ് ശ്രുതി…

9 hours ago

മകളുടെ മരണം തളര്‍ത്തി; തുറന്ന് പറഞ്ഞ് വിജയ് ആന്റണിയും ഭാര്യയും

സംഗീത സംവിധായകനും നടനുമായ വിജയ് ആന്റണിയുടെ മകളുടെ…

10 hours ago