കണ്ണൂര് സ്ക്വാഡില് ഏറെ കയ്യടി വാരിക്കൂട്ടിയ കഥാപാത്രമാണ് കാസര്ഗോഡ് എസ്.പി മനു നീതി ചോളന്. നടന് കിഷോറാണ് ഈ കഥാപാത്രത്തെ അവതരിപ്പിച്ചിരിക്കുന്നത്. ചിത്രത്തില് മമ്മൂട്ടിക്കൊപ്പം തന്നെ കിഷോറിന്റെ കഥാപാത്രവും ശ്രദ്ധിക്കപ്പെട്ടു. യഥാര്ഥത്തില് ഈ കഥാപാത്രം ചെയ്യാന് ആദ്യ പരിഗണന കിഷോറിന് അല്ലായിരുന്നു, മറ്റൊരു ദക്ഷിണേന്ത്യന് നടനായിരുന്നു.
പ്രകാശ് രാജിനെയാണ് തങ്ങള് കാസര്ഗോഡ് എസ്.പിയായി ആദ്യം പരിഗണിച്ചതെന്ന് തിരക്കഥാകൃത്തുക്കളില് ഒരാളായ ഡോണി ഡേവിഡ് രാജ് പറഞ്ഞു. പ്രകാശ് രാജ് സാര് ഈ കഥാപാത്രം ചെയ്യാന് സമ്മതം അറിയിച്ചതാണ്. പക്ഷേ ഡേറ്റ് ക്ലാഷ് കാരണം പിന്നീട് പ്രകാശ് രാജ് സാര് ഒഴിയുകയായിരുന്നു.
പിന്നീട് സത്യരാജിനെ കഥ കേള്പ്പിച്ചു. അദ്ദേഹത്തിനു ചോളന് എന്ന കഥാപാത്രം ഒരുപാട് ഇഷ്ടമായി. എന്നാല് താടിയെടുക്കാന് സാധിക്കില്ല എന്ന് പറഞ്ഞ് സത്യരാജും ഒഴിവായി. നരെയ്നെ കൂടി ആലോചിച്ചെങ്കിലും പിന്നീട് കിഷോറില് ഉറപ്പിക്കുകയായിരുന്നെന്നും ഡോണി പറഞ്ഞു.
അതേസമയം കണ്ണൂര് സ്ക്വാഡ് വിജയകരമായി പ്രദര്ശനം തുടരുകയാണ്. നാല് ദിവസം കൊണ്ട് ചിത്രത്തിന്റെ വേള്ഡ് വൈഡ് കളക്ഷന് 25 കോടി കടന്നു.
രശ്മിക മന്ദാനയുടെയും വിജയ് ദേവരകൊണ്ടയുടെയും വിവാഹം കഴിഞ്ഞിട്ട്…
മലയാളത്തിന്റെ പ്രിയനടന് കുഞ്ചാക്കോ ബോബന്റെയും ഭാര്യ പ്രിയയുടെയും…
മഞ്ജു വാര്യരുടെ ലുക്കില് വന്ന മാറ്റം ആരാധകര്ക്കിടയില്…
മിനിസ്ക്രീന് പേക്ഷകര്ക്ക് സുപരിചിതയാണ് നടി ഗൗരി കൃഷ്ണന്.…
ജീവിതത്തില് തകര്ന്നുപോയപ്പോള് തനിക്ക് താങ്ങായത് നടി മംമ്ത…
സമൂഹം സ്ത്രീകളുടെ കരിയറിനെ നോക്കിക്കാണുന്നത് ഇപ്പോഴും വിവാഹമെന്ന…