വീട്ടിലുള്ള ആളെ കാസ്റ്റ് ചെയ്യുന്ന പണിയല്ല സിനിമ: ആഷിക് അബു

ചുരുങ്ങിയ കാലം കൊണ്ട് മുന്‍നിര സംവിധാക നിരയിലെത്തിയ ആളാണ് ആഷിക് അബു. സംവിധായകന്‍ എന്ന നിലയില്‍ മാത്രമല്ല അഭിനേതാവായും ചില സിനിമകളില്‍ അദ്ദേഹം മുഖം കാണിച്ചു.

ഇപ്പോള്‍ തനിക്കും പങ്കാളി റിമ കല്ലിങ്കിലും എതിരെയുള്ള ആരോപണങ്ങള്‍ക്ക് മറുപടി നല്‍കിയിരിക്കുകയാണ് ആഷിക് അബു. പുതിയ ചിത്രമായ നീലവെളിച്ചത്തില്‍ റിമയെ കാസ്റ്റ് ചെയ്തതുമായി ബന്ധപ്പെട്ടായിരുന്നു ആരോപണം.

എന്നാല്‍ തന്റെ വീട്ടിലെ ആളാതുകൊണ്ടല്ല റിമയെ ചിത്രത്തില്‍ കാസ്റ്റ് ചെയ്തത് എന്നാണ് അദ്ദേഹം പറയുന്നത്. വീട്ടില്‍ ഇരിക്കുന്ന ആളുകളെ കാസ്റ്റ് ചെയ്യുന്ന പണിയല്ല സിനിമ. താന്‍ വിവാഹം ചെയ്യുന്നതിന് മുമ്പ് തന്നെ റിമ ഒരു അഭിനയേത്രിയായിരുന്നെന്നും ആഷിക് അബു പറയുന്നു.