ഏപ്രില്‍ 30ന് കൊല്ലും; സല്‍മാന്‍ ഖാന് വീണ്ടും വധഭീഷണി

ബോളിവുഡ് സൂപ്പര്‍ താരം സല്‍മാന്‍ ഖാന് വീണ്ടും വധഭീഷണി. ഏപ്രിയല്‍ 30 ന് കൊല്ലും എന്നാണ് ഭീഷണിയില്‍ പറഞ്ഞിരിക്കുന്നത്. ജോധ്പൂരില്‍ നിന്ന് റോക്കിഭായ് എന്ന് സ്വയം പരിചയപ്പെടുത്തിയാളാണ് ഭീഷണിയുമായി എത്തിയത്.

മുംബൈ പോലീസ് കണ്‍ട്രോള്‍ റൂമിലേക്ക് വിളിച്ചായിരുന്നു ഇയാള്‍ ഭീഷണി മുഴക്കിയത്. സംഭവത്തില്‍ പോലീസ് അന്വേഷണം ആരംഭിച്ചു. ഇതിനു മുന്‍പും താരത്തിന് നേരെ ഇത്തരത്തിലുള്ള വധഭീഷണി സന്ദേശം ലഭിച്ചിരുന്നു.

നിലവില്‍ കിസി കാ ഭായ് കിസി ക ജാനിന്റെ പ്രൊമോഷന്റെ തിരക്കിലാണ് താരം. ഇതുമായി ബന്ധപ്പെട്ട് താരം ഇതുവരെ പ്രതികരിച്ചിട്ടില്ല.