എന്റെ ജീവിതത്തിന്റെ പ്രണയം; റൊമാന്റിക് വീഡിയോയുമായി ഗോപി സുന്ദര്‍

അമൃത സുരേഷിനൊപ്പമുള്ള റൊമാന്റിക് വീഡിയോയുമായി ഗോപി സുന്ദര്‍. ഇരുവരും വിദേശത്താണ് ഇപ്പോള്‍ ഉള്ളത്. അവിടെ നിന്നുള്ള വീഡിയോയാണ് താരം പങ്കുവെച്ചിരിക്കുന്നത്. ഇരുവരേയും വളരെ സ്റ്റൈലിഷായാണ് വീഡിയോയില്‍ കാണുന്നത്.

അതേസമയം, തന്റെ സോഷ്യല്‍ മീഡിയ പോസ്റ്റുകള്‍ക്കടിയില്‍ മോശം കമന്റുകളുമായി വരുന്നവര്‍ക്ക് ഈയടുത്താണ് അമൃത സുരേഷ് മുന്നറിയിപ്പ് നല്‍കിയത്. സൈബര്‍ ബുള്ളിയിങ്ങിനെതിരെ നിയമനടപടി സ്വീകരിക്കുമെന്ന് അമൃത അറിയിച്ചു.

‘എല്ലാ ബഹുമാനത്തോടെയും പറയട്ടെ, എല്ലാ അധിക്ഷേപങ്ങളും ബുള്ളിയിങ് കമന്റുകളും നിരീക്ഷിക്കുകയും സൂക്ഷിക്കുകയും ചെയ്യും. അത്തരക്കാരുടെ പ്രൊഫൈലുകള്‍ പൊലീസിന് റിപ്പോര്‍ട്ട് ചെയ്യും. ഉചിതമായ നിയമനടപടി സ്വീകരിക്കും’ അമൃത മുന്നറിയിപ്പ് നല്‍കി.