മമ്മൂട്ടിയുടെ ക്രിസ്റ്റഫര്‍ റിലീസിന്; ഏറ്റവും പുതിയ അപ്‌ഡേറ്റ് ഇതാ

മമ്മൂട്ടിയെ നായകനാക്കി ബി.ഉണ്ണികൃഷ്ണന്‍ സംവിധാനം ചെയ്ത ക്രിസ്റ്റഫര്‍ റിലീസിന് ഒരുങ്ങുന്നു. ഫെബ്രുവരി പകുതിയോടെ ചിത്രം തിയറ്ററുകളിലെത്തിക്കാനാണ് അണിയറപ്രവര്‍ത്തകര്‍ ആലോചിക്കുന്നത്. മമ്മൂട്ടിയുടെ അടുത്ത റിലീസ് ക്രിസ്റ്റഫര്‍ ആയിരിക്കും.

ഉദയകൃഷ്ണയാണ് ക്രിസ്റ്റഫറിന്റെ തിരക്കഥ. യഥാര്‍ഥ സംഭവത്തെ ആസ്പദമാക്കിയുള്ള ഇന്‍വസ്റ്റിഗേഷന്‍ ത്രില്ലറാണ് ചിത്രം. മമ്മൂട്ടി പൊലീസ് ഉദ്യോഗസ്ഥന്റെ വേഷത്തിലാണ് എത്തുക. ക്രിസ്റ്റഫറിന്റെ ടീസര്‍ ഏറെ ശ്രദ്ധിക്കപ്പെട്ടിരുന്നു.

ജിയോ ബേബി സംവിധാനം ചെയ്ത കാതല്‍ ആണ് മമ്മൂട്ടിയുടെ മറ്റൊരു ചിത്രം. ജ്യോതികയാണ് ചിത്രത്തില്‍ നായിക. കാതലിന്റെ ഷൂട്ടിങ് പൂര്‍ത്തിയായിട്ടുണ്ട്. കുടുംബപശ്ചാത്തലമാണ് സിനിമയുടെ പ്രമേയം.