ബാലയ്യക്കൊപ്പം ഹണി റോസ് ! സന്തോഷം പങ്കുവെച്ച് നടി

ബാലയ്യക്കൊപ്പം സ്‌ക്രീന്‍ സ്‌പേസ് പങ്കിട്ടതിന്റെ സന്തോഷം പങ്കുവെച്ച് നടി ഹണി റോസ്. ബാലയ്യക്കൊപ്പമുള്ള ചിത്രം ഹണി സോഷ്യല്‍ മീഡിയയില്‍ പങ്കുവെച്ചു. ബാലയ്യ ചിത്രം വീരസിംഹ റെഡ്ഡിയിലാണ് ഹണി റോസ് ഇനി അഭിനയിക്കുന്നത്.

തെലുങ്ക് ചിത്രമായ വീരസിംഹ റെഡ്ഡി ജനുവരി 12 ന് തിയറ്ററുകളിലെത്തും. ചിത്രത്തിന്റെ ഭാഗമാകാന്‍ സാധിച്ചത് അഭിമാനമായി കാണുന്നുവെന്ന് ഹണി റോസ് പറഞ്ഞു.

അഖണ്ഡ എന്ന വിജയ ചിത്രത്തിന് ശേഷം നന്ദമുറി ബാലകൃഷ്ണ നായകനായി എത്തുന്ന ചിത്രമാണ് ‘വീരസിംഹ റെഡ്ഡി’. ഗോപിചന്ദ് മലിനേനിയാണ് ചിത്രത്തിന്റെ രചനയും സംവിധാനവും നിര്‍വഹിക്കുന്നത്. കുര്‍ണൂല്‍ ആണ് സിനിമയുടെ പ്രധാന ലൊക്കേഷന്‍. ബിഗ് ബജറ്റിലാണ് ചിത്രം ഒരുങ്ങുന്നത്.