കോമഡി വേഷങ്ങള്‍ ഉപേക്ഷിച്ചിട്ടില്ല; വീണ്ടും ചെയ്യുമെന്ന് സുരാജ്

കോമഡി വേഷങ്ങള്‍ കൈകാര്യം ചെയ്ത് മലയാളികളുടെ മനസ് കീഴടക്കിയ താരമാണ് സുരാജ് വെഞ്ഞാറമൂട്. തിരുവനന്തപുരം ശൈലിയിലുള്ള ഭാഷയും കോമഡിയും ചേര്‍ന്നപ്പോള്‍ സിനിമയില്‍ വലിയ സ്ഥാനം തന്നെ സുരാജില്‍ വന്നുചേര്‍ന്നു.

ദശമൂലം ദാമു പോലെയുള്ള കഥാപാത്രങ്ങള്‍ ഒരിക്കലും മറക്കാന്‍ സാധിക്കാത്തതാണ്. എന്നാല്‍ കോമഡി വിട്ട് ഇപ്പോള്‍ എല്ലാ രീതിയിലുള്ള കഥാപാത്രങ്ങളും താരം അവതരിപ്പിക്കാറുണ്ട്. പലതും സീരിയസ് കഥാപാത്രങ്ങളാണ്.

എന്നാല്‍ കോമഡിയോട് താന്‍ ഒരിക്കലും നോ പറഞ്ഞിട്ടില്ലെന്നാണ് സുരാജ് പറയുന്നത്. എന്നാല്‍ അതിനുള്ള സാഹചര്യം ഒത്തുവരാത്തതിനാലാണ്. ഞാന്‍ ഒരുപാട് കോമഡി അവതരിപ്പിച്ച് ചിരിപ്പിച്ചിട്ടുമുണ്ട്. കുറച്ചൊക്കെ വെറുപ്പിച്ചിട്ടുമുണ്ട് എന്നും സുരാജ് പറയുന്നു.