വിവാഹമോചനവും കുഞ്ഞുങ്ങള്‍ വേണ്ടാ എന്ന തീരുമാനവും എന്റേത്: ലെന

മലയാളികള്‍ക്ക് ഏറെ പ്രിയങ്കരിയായ നടിയാണ് ലെന. മലയാളിത്തം തുളുമ്പുന്ന വേഷങ്ങളിലൂടെയാണ് ലെന ആദ്യം മലയാള സിനിമയില്‍ ശ്രദ്ധിക്കപ്പെട്ടത്. എന്നാല്‍ പിന്നീട് താരത്തിന്റെ കരിയര്‍ മാറിമറിഞ്ഞു. ഒരേസമയം പ്രായമുള്ള കഥാപാത്രത്തേയും സ്‌റ്റൈലിഷ് ആയ കഥാപാത്രത്തേയും ലെന അവതരിപ്പിച്ചു.

രണ്ടാം ഭാവം, ട്രാഫിക്, എന്ന് നിന്റെ മൊയ്തീന്‍, ഈ അടുത്ത കാലത്ത്, ബിഗ് ബി, സ്പിരിറ്റ്, വിക്രമാദിത്യന്‍, വാരിക്കുഴിയിലെ കൊലപാതകം, മാസ്റ്റര്‍പീസ്, രാമലീല, ഹണീ ബി 2, ടു കണ്‍ട്രീസ് എന്നീ സിനിമകളില്‍ നല്ല വേഷം ചെയ്യാന്‍ താരത്തിന് സാധിച്ചിട്ടുണ്ട്.

തന്റെ ജീവിതത്തെക്കുറിച്ച് ലെന പറഞ്ഞ വാക്കുകളാണ് ഇപ്പോള്‍ വൈറലായിരിക്കുന്നത്. വിവാഹമോചനവും കുഞ്ഞുങ്ങള്‍ വേണ്ട എന്നുള്ള തീരുമാനവും തന്റേതായിരുന്നു. കുഞ്ഞുങ്ങള്‍ വേണ്ടായെന്ന് എടുത്ത തീരുമാനത്തില്‍ താന്‍ തൃപതയാണെന്നും ഇപ്പോഴുള്ള തന്റെ ജീവിതം വളരെ സന്തോഷം നിറഞ്ഞതാണെന്നും താരം പറയുന്നു.