ചാരിറ്റി പ്രവര്‍ത്തനങ്ങള്‍ക്ക് ഇറങ്ങിയതോടെ അവസരങ്ങള്‍ നഷ്ടമായി: സീമ ജി നായര്‍

മിനിസ്‌ക്രീനിലും ബിഗ് സ്‌ക്രീനിലും ഒരുപോലെ തിളങ്ങിയ താരമാണ് സീമ നായര്‍. ഒരുപിടി നല്ല സിനിമകളിലും സീരിയലുകളിലും അഭിനയിക്കാന്‍ താരത്തിന് സാധിച്ചിട്ടുണ്ട്. ഇപ്പോഴും സീമ അഭിനയ രംഗത്ത് സജീവമാണ്.

അഭിനയേത്രി എന്നതിലുപരിയായി നല്ലൊരു ജീവകാരുണ്യ പ്രവര്‍ത്തക കൂടികയാണ് സീമ. നിരവധി ക്യാന്‍സര്‍ രോഗികള്‍ക്ക് സഹായവുമായി സീമ എത്താറുണ്ട്. നടി ശരണ്യ ശശിക്ക് ആവശ്യമായ എല്ലാ പിന്തുണയും നല്‍കിയിരുന്നത് സീമയാണ്.

ഇപ്പോള്‍ താന്‍ നേരിട്ട ബുദ്ധിമുട്ടുകള്‍ പങ്കുവെക്കുകയാണ് താരം. ചാരിറ്റി പ്രവര്‍ത്തനങ്ങളില്‍ സജീവ മായതോടെ ആരോഗ്യപരമായ പല പ്രശ്‌നങ്ങളും തനിക്ക് ഉണ്ടായിട്ടുണ്ടെന്നും, സിനിമകളില്‍ ഉള്‍പ്പെടെ പല അവസരങ്ങള്‍ നഷ്ടപ്പെട്ടു എന്നും സീമ പറയുന്നു. എന്നാല്‍ എന്തൊക്കെ സംഭവിച്ചാലും ഇതില്‍ നിന്നും പിന്നോട്ട് പോകാന്‍ താന്‍ ഒരുക്കമല്ലെന്നും സീമ പറയുന്നു.