എനിക്ക് എന്റേതായ സ്വാതന്ത്ര്യം തരുന്ന ഒരു ഭര്‍ത്താവാണ്; തന്റെ കുടുംബജീവിതത്തെക്കുറിച്ച് സംവൃത

പ്രേക്ഷകര്‍ക്ക് ഏറെ പ്രിയങ്കരിയായ നടിയാണ് സംവൃത സുനില്‍. വിവാഹത്തോടെ അഭിനയ ലോകത്ത് നിന്നും വിട്ട് നില്‍ക്കുകയാണെങ്കിലും മലയാളികളുടെ മനസില്‍ ഇപ്പോഴും സംവൃതയ്ക്ക് പഴയ സ്ഥാനം തന്നെയുണ്ട്.

ലാല്‍ജോസ് സംവിധാനം ചെയ്ത രസികന്‍ എന്ന സിനിമയിലൂടെയാണ് സംവൃതയുടെ അഭിനയ ലോകത്തേക്കുള്ള കടന്നുവരവ്. പിന്നീട് ഒരുപിടി നല്ല സിനിമകളുടെ ഭാഗമാകാന്‍ താരത്തിന് സാധിച്ചു.

ഇപ്പോള്‍ പത്ത് വര്‍ഷത്തെ തന്റെ സന്തുഷ്ട കുടുംബജീവിതത്തെക്കുറിച്ച് മനസ് തുറന്നിരിക്കുകയാണ് സംവൃത. കോഴിക്കോട് സ്വദേശിയായ അഖില്‍ രാജാണ് സംവൃതയുടെ ഭര്‍ത്താവ്. എനിക്ക് എന്റേതായ സ്വാതന്ത്ര്യം തരുന്ന ഒരു ഭര്‍ത്താവാണ് അഖില്‍ എന്നാണ് താരം പറയുന്നത്. രണ്ട് മക്കളാണ് താരത്തിന് ഉള്ളത്.