കേരളത്തനിമയില്‍ ചിത്രങ്ങളുമായി പ്രിയ വാര്യര്‍

ഒരൊറ്റ കണ്ണിറുക്കല്‍കൊണ്ട് മലയാളികളുടെ മനസിനെ കീഴടക്കിയ താരമാണ് പ്രിയവാര്യര്‍. സോഷ്യല്‍ മീഡിയയില്‍ സജീവമായ താരം എന്നും ഗ്ലാമറസ് ചിത്രങ്ങളാണ് പങ്കുവെക്കാറ്. എന്നാല്‍ ഓണത്തിന് താരം പങ്കുവെച്ച തനി നാടന്‍ ലുക്കിലുള്ള ചിത്രങ്ങളാ് വൈറലായിരിക്കുന്നത്. കേരള സാരി അണിഞ്ഞുള്ളതാണ് ചിത്രങ്ങള്‍.

ഒരു അഡാര്‍ ലൗ എന്ന ഒറ്റ ചിത്രത്തിലൂടെയാണ് പ്രിയവാര്യര്‍ സിനിമാ ലോകത്തേക്ക് എത്തുന്നത്. സോഷ്യല്‍ മീഡിയയിലും താരത്തിനു ഏറെ ആരാധകര്‍ ഉണ്ട്. മലയാളത്തിനു പുറമേ ബോളിവുഡിലും അരങ്ങേറാന്‍ ഒരുങ്ങുകയാണ് പ്രിയ. അറിയപ്പെടുന്ന മോഡല്‍ കൂടിയായ പ്രിയയുടെ പുതിയ ചിത്രങ്ങളാണ് സോഷ്യല്‍ മീഡിയയില്‍ വൈറലായിരിക്കുന്നത്.

1999 ഒക്ടോബര്‍ 28നാണ് താരത്തിന്റെ ജനനം. തൃശൂര്‍ സ്വദേശിനിയായ പ്രിയ അഭിനയത്തിന് പുറമെ മോഡലിങ്ങിലും പിന്നണി ഗാന രംഗത്തും ശ്രദ്ധേയയാണ്.