പുതിയ തുടക്കത്തിന്; അതിശയിപ്പിക്കുന്ന ലുക്കിൽ ആര്യ

മിനി സ്ക്രീൻ പ്രേക്ഷകർക്ക് ഏറെ സുപരിചിതയാണ് ആര്യ ബാബു എന്ന ആര്യ ബഡായി. അഭിനേത്രിയായും മോഡലായും ഹാസ്യതാരമായും അവതാരികയായുമെല്ലാം ടെലിവിഷനിൽ ഒരു കാലത്ത് നിറഞ്ഞു നിന്ന താരം.

മോഡലിംഗിലൂടെയാണ് ആര്യ അഭിനയ രംഗത്തേക്ക് എത്തുന്നത്. ഏഷ്യനെറ്റിലെ ബഡായി ബംഗ്ലാവ് എന്ന പരിപാടിയിൽ താരത്തിന്റെ പ്രകടനം ഏറെ ശ്രദ്ധ നേടി.

ടെലിവിഷൻ രംഗത്തേക്ക് തന്റെ ശക്തമായ തിരിച്ചുവരവ് നടത്തിയിരിക്കുകയാണ് ഇപ്പോൾ താരം. സ്റ്റാർ മ്യൂസിക് സീസൺ നാലിലും ആര്യ തന്നെയാണ് അവതാരികയായി എത്തുന്നത്.

ജനപ്രിയ റിയാലിറ്റി ഷോയായ ബിഗ് ബോസ് മലയാളത്തിന്റെ രണ്ടാം പതിപ്പിലെ ഒരു മത്സരാർത്ഥി കൂടിയായിരുന്നു ആര്യ. താരത്തിന്റെ ബിഗ് ബോസിലെ പ്രകടനവും ഏറെ പ്രശംസ പിടിച്ചു പറ്റിയിരുന്നു. അതേസമയം തന്നെ ഒരുപാട് ഹേറ്റേഴ്സിനെയും താരം സൃഷ്ടിച്ചു.

ഒരു ഡിസൈനർ എന്ന നിലയിൽ ബോട്ടിഖ് കൂടി നടത്തുന്നുണ്ട് ആര്യ. സമൂഹമാധ്യമങ്ങളിലും സജീവ സാനിധ്യമാണ് താരം. മകളുമൊത്തുള്ള വീഡിയോസും ഗ്ലാമറസ് ഫൊട്ടോഷൂട്ടുമെല്ലാം താരം തന്റെ ഇൻസ്റ്റാ വാളിൽ പോസ്റ്റ് ചെയ്യാറുണ്ട്.