Mammootty and Nayanthara
മെഗാസ്റ്റാര് മമ്മൂട്ടിയുടെ നായികയാകാന് ക്ഷണിച്ചാല് എത്ര തിരക്കുണ്ടെങ്കിലും രണ്ടാമതൊന്ന് ആലോചിക്കാതെ യെസ് പറയുന്ന തെന്നിന്ത്യന് സൂപ്പര്താരമാണ് നയന്താര. ഇപ്പോള് ഇതാ മമ്മൂട്ടിയും നയന്താരയും വീണ്ടും ഒന്നിക്കുന്നതായി റിപ്പോര്ട്ടുകള്. പുതിയ നിയമത്തിനു ശേഷം മമ്മൂട്ടിയും നയന്താരയും ഒന്നിക്കുന്നത് ഒരു ബിഗ് ബജറ്റ് ചിത്രത്തിനു വേണ്ടിയാണെന്നാണ് റിപ്പോര്ട്ട്.
ബി.ഉണ്ണികൃഷ്ണന് സംവിധാനം ചെയ്യുന്ന മമ്മൂട്ടി ചിത്രത്തിന്റെ ഷൂട്ടിങ് ജൂണ് അവസാനത്തോടെ ആരംഭിക്കും. ഈ സിനിമയില് നയന്താരയാണ് മമ്മൂട്ടിയുടെ നായിക വേഷത്തില് എത്തുന്നതെന്നാണ് ഗോസിപ്പ്. മെഗാസ്റ്റാറിന്റെ നായികയാകാന് താരസുന്ദരി യെസ് മൂളിയെന്നാണ് വാര്ത്ത.
ഉദയകൃഷ്ണയുടെ തിരക്കഥയില് ബി.ഉണ്ണികൃഷ്ണന് സംവിധാനം ചെയ്യുന്ന ചിത്രം ഒരു ഇന്വസ്റ്റിഗേഷന് ത്രില്ലറാണ്. യഥാര്ഥ സംഭവത്തെ ആസ്പദമാക്കിയാണ് ചിത്രം ഒരുക്കുന്നതെന്നാണ് റിപ്പോര്ട്ട്. ബിജു മേനോന്, മഞ്ജു വാരിയര് തുടങ്ങിയവരും ചിത്രത്തിലുണ്ടെന്ന് വിവരമുണ്ട്. ഔദ്യോഗിക പ്രഖ്യാപനം ഉടനുണ്ടാകും.
ദുൽഖർ സൽമാനെ നായകനാക്കി നഹാസ് ഹിദായത്ത് സംവിധാനം…
പരമ്പരാഗത കേരള സാരിക്ക് സമകാലിക സ്റ്റൈലിംഗ് ചേർത്ത്…
ലിജോ ജോസ് പെല്ലിശ്ശേരിയുടെ ആദ്യ സംവിധാന സംരംഭമായ…