Categories: latest news

മോഹന്‍ലാലിന്റെ ഏറ്റവും മികച്ച അഞ്ച് നായികമാര്‍

ശോഭന, രേവതി, ഉര്‍വശി, മഞ്ജു വാര്യര്‍ തുടങ്ങി മീര ജാസ്മിന്‍, ഭാവന, മംമ്ത മോഹന്‍ദാസ് എന്നിങ്ങനെ ഒട്ടേറെ നടിമാരുടെ നായകനായി മലയാളത്തിന്റെ പ്രിയതാരം മോഹന്‍ലാല്‍ അഭിനയിച്ചിട്ടുണ്ട്. മലയാളത്തില്‍ മോഹന്‍ലാലുമായി ഏറ്റവും മികച്ച കെമിസ്ട്രിയുള്ള അഞ്ച് നായികമാര്‍ ആരൊക്കെയാണെന്ന് നോക്കാം

1. മോഹന്‍ലാല്‍-ശോഭന

മോഹന്‍ലാലിന് ഏറ്റവും ചേരുന്ന നായികയെന്നാണ് ശോഭനയെ ആരാധകര്‍ വിശേഷിപ്പിക്കുന്നത്. മലയാളത്തില്‍ ഏറ്റവും ആഘോഷിക്കപ്പെട്ട കെമിസ്ട്രിയാണ് ഈ കൂട്ടുകെട്ട്. തേന്മാവിന്‍ കൊമ്പത്ത്, മണിച്ചിത്രത്താഴ്, നാടോടിക്കാറ്റ്, മിന്നാരം, പവിത്രം, ഉള്ളടക്കം, വെള്ളാനകളുടെ നാട്, ടി.പി.ബാലഗോപാലന്‍ എംഎ തുടങ്ങി നിരവധി സിനിമകളില്‍ മോഹന്‍ലാലിന്റെ നായികയായി ശോഭന അഭിനയിച്ചു. ഇരുവരും ഒന്നിച്ചുള്ള സിനിമകളിലെ പാട്ടുകളും സൂപ്പര്‍ഹിറ്റാണ്.

2. മോഹന്‍ലാല്‍-ഉര്‍വശി

നിരവധി സൂപ്പര്‍ഹിറ്റ് സിനിമകളില്‍ ഉര്‍വശി മോഹന്‍ലാലിന്റെ നായികയായി അഭിനയിച്ചു. പല സിനിമകളിലും ഇരുവരും മത്സരിച്ച് അഭിനയിച്ചിട്ടുണ്ട്. സ്ഫടികം, ലാല്‍സലാം, മിഥുനം, സുഖമോ ദേവി, ഭരതം, ഇരുപതാം നൂറ്റാണ്ട്, വിഷ്ണുലോകം തുടങ്ങിയ സിനിമകളിലെല്ലാം മോഹന്‍ലാലും ഉര്‍വശിയും ഒന്നിച്ചഭിനയിച്ചിട്ടുണ്ട്.

3. മോഹന്‍ലാല്‍-രേവതി

Revathy and Mohanlal

മോഹന്‍ലാലിനൊപ്പം മികച്ച കെമിസ്ട്രിയുള്ള മറ്റൊരു അഭിനേത്രിയാണ് രേവതി. കിലുക്കത്തിലെ ഇരുവരുടേയും കോംബിനേഷന്‍ സീനുകള്‍ മാത്രം മതി അതിനു തെളിവായി. ദേവാസുരം, വരവേല്‍പ്പ്, കിലുക്കം, അഗ്നിദേവന്‍, മായാമയൂരം, മൂന്നാം മുറ, രാവണപ്രഭു തുടങ്ങിയ സൂപ്പര്‍ഹിറ്റ് സിനിമകളിലെല്ലാം മോഹന്‍ലാലിന്റെ നായികയായി രേവതി അഭിനയിച്ചു.

4. മോഹന്‍ലാല്‍-മഞ്ജു വാര്യര്‍

ആറാം തമ്പുരാനിലെ മോഹന്‍ലാല്‍-മഞ്ജു വാര്യര്‍ കോംബിനേഷന്‍ എങ്ങനെയാണ് മലയാളികള്‍ മറക്കുക. ഈ ഒരൊറ്റ സിനിമ കൊണ്ട് മാത്രം ആരാധകരുടെ മനസ് കവര്‍ന്ന കൂട്ടുകെട്ടാണിത്. കന്മദം, ലൂസിഫര്‍, മരക്കാര്‍ അറബിക്കടലിന്റെ സിംഹം, സമ്മര്‍ ഇന്‍ ബെത്‌ലഹേം തുടങ്ങിയ സിനിമകളിലും ഇരുവരും ഒന്നിച്ച് അഭിനയിച്ചു.

5. മോഹന്‍ലാല്‍-ലിസി

തൊണ്ണൂറുകളില്‍ മലയാള സിനിമയില്‍ ശ്രദ്ധിക്കപ്പെട്ട കോംബിനേഷനാണ് മോഹന്‍ലാല്‍-ലിസി. ചിത്രം, താളവട്ടം, മഴ പെയ്യുന്നു മദ്ദളം കൊട്ടുന്നു, ബോയിംഗ് ബോയിംഗ്, പപ്പന്‍ പ്രിയപ്പെട്ട പപ്പന്‍, സര്‍വകലാശാല, ശേഷം കാഴ്ചയില്‍ തുടങ്ങി നിരവധി സിനിമകളില്‍ ഇരുവരും ഒന്നിച്ച് അഭിനയിച്ചു.

അനില മൂര്‍ത്തി

Recent Posts

കിടിലന്‍ ലുക്കുമായി അനിഖ

കിടിലന്‍ ലുക്കില്‍ ആരാധകര്‍ക്കായി ചിത്രങ്ങള്‍ പങ്കുവെതച്ച് അനിഖ…

15 hours ago

തനിക്ക് ഒരുപാട് പണം ചിലവായി; റിയാലിറ്റി ഷോയില്‍ പങ്കെടുത്തതിനെക്കുറിച്ച് സാനിയ

ആരാധകര്‍ക്ക് ഏറെ പ്രിയങ്കരിയായ നടിയാണ് സാനിയ അയ്യപ്പന്‍.…

15 hours ago

വ്‌ളോഗിംഗ് അത്ര ഏളുപ്പമുള്ള പണിയല്ല: ആലീസ് ക്രിസ്റ്റി

സീരീയലിലൂടെ ആരാധകര്‍ക്ക് ഏറെ പ്രിയങ്കരിയായ നടിയാണ് ആലീസ്…

15 hours ago

മിമിക്രി തുടങ്ങിയത് നായയെ അനുകരിച്ച്: രമേഷ് പിഷാരടി

തമാശകള്‍ പറഞ്ഞ് മലയാളികളെ കുടുകുടാ ചിരിപ്പിക്കുന്ന താരമാണ്…

16 hours ago

എന്റ ഭാര്യയാണ് ലോകത്തിലെ ഏറ്റവും സുന്ദരി: ബാല

ആരാധകര്‍ക്ക് ഏറെ പ്രിയങ്കരനായ നടനാണ് ബാല. കരള്‍…

16 hours ago

കുഞ്ഞ് വയറ്റില്‍ കിടന്ന് നന്നായി ചവിട്ടുന്നുണ്ട്: ദിയ

സോഷ്യല്‍ മീഡിയയില്‍ ഏവര്‍ക്കും പ്രിയങ്കരിയായ താരമാണ് ദിയ…

16 hours ago