Dulquer, Mammootty and Mohanlal
മലയാള സിനിമയിലെ സൂപ്പര് താരങ്ങള് മുതല് യുവതാരങ്ങള് വരെ വാങ്ങുന്ന പ്രതിഫലത്തിന്റെ കണക്ക് പുറത്തുവിട്ട് ഐഎംഡിബി. മെഗാസ്റ്റാര് മമ്മൂട്ടിയേക്കാള് ഇരട്ടി പ്രതിഫലമാണ് കംപ്ലീറ്റ് ആക്ടറും ആരാധകരുടെ ലാലേട്ടനുമായ മോഹന്ലാല് വാങ്ങുന്നതെന്നാണ് കണക്ക്.
മോഹന്ലാല് ആണ് മലയാളത്തില് ഏറ്റവും കൂടുതല് പ്രതിഫലം വാങ്ങുന്ന താരം. ഒരു സിനിമയ്ക്ക് വേണ്ടി എട്ട് കോടി മുതല് 17 കോടി വരെ മോഹന്ലാല് വാങ്ങിക്കുന്നുണ്ട് എന്നാണ് അറിയുന്നത്. കഴിഞ്ഞ വര്ഷം മമ്മൂട്ടിയുടേതായി വളരെ കുറച്ച് സിനിമകളെ പുറത്തിറങ്ങിയുള്ളു. മാത്രമല്ല നാല് കോടി മുതല് 8.5 കോടി വരെയാണ് ഒരു സിനിമയില് അഭിനയിക്കാന് മമ്മൂട്ടി വാങ്ങിക്കുന്ന തുക.
Mammootty and Dulquer Salmaan
മോഹന്ലാലിനും മമ്മൂട്ടിക്കും തൊട്ടുപിന്നില് മമ്മൂട്ടിയുടെ മകന് ദുല്ഖര് സല്മാന് ഉണ്ട്. ബോളിവുഡിലടക്കം ഹിറ്റ് സിനിമകളില് അഭിനയിച്ച് തിളങ്ങി നിന്ന ദുല്ഖറിന് പിതാവിനോളം പ്രതിഫലം ലഭിക്കുന്നുണ്ട് എന്നതാണ് ശ്രദ്ധേയം. മൂന്ന് മുതല് എട്ട് കോടിയോളമാണ് ദുല്ഖര് ഒരു സിനിമയ്ക്ക് വാങ്ങുന്നത്. അതിവേഗം പ്രതിഫലം ഉയര്ത്തുന്ന താരങ്ങളില് ഒരാളാണ് ദുല്ഖര് എന്നും റിപ്പോര്ട്ടുകളുണ്ട്. പൃഥ്വിരാജ് സുകുമാരന് മൂന്ന് മുതല് ഏഴ് കോടി രൂപ വരെ പ്രതിഫലം വാങ്ങുന്നുണ്ട്.
ഫഹദ് ഫാസില് ഒരു സിനിമയ്ക്ക് വേണ്ടി 3.5 മുതല് 6 കോടി വരെയാണ് വാങ്ങിക്കുന്നത്. നിവിന് പോളിയുടെ പ്രതിഫലം മൂന്ന് മുതല് ആറ് കോടി രൂപ വരെയാണ്. ദിലീപ് ഒരു സിനിമയില് അഭിനയിക്കാന് ഇപ്പോള് മൂന്ന് കോടിക്കടുത്ത് പ്രതിഫലം വാങ്ങുന്നുണ്ട്.
ടെലിവിഷന് രംഗത്ത് ഇന്ന് ശ്രദ്ധേയയാണ് നടി മഞ്ജു…
ചെന്നൈ: നടി അംബികയ്ക്കെതിരെ ചെക്ക് തട്ടിപ്പ് പരാതിയുമായി…
പൊതുയിടങ്ങളിലെത്തുന്ന സെലിബ്രിറ്റികളുടെ ശരീരഭാഗങ്ങള് മോശം ഉദ്ദേശത്തോടെ പകര്ത്തി…
പെറ്റ് ലവേഴ്സിന്റെ സ്നേഹം, ശരിക്കുമുള്ള സ്നേഹമാണെന്ന് തനിക്ക്…
കഴിഞ്ഞ ദിവസമാണ് നടി അഹാന കൃഷ്ണയും ഛായാഗ്രാഹകന്…
'ദ് പാരഡൈസ്'എന്ന സിനിമയുടെ പ്രൊമോഷന് പരിപാടിക്കിടെ സ്ത്രീകളുടെ…