Mohanlal and Antony Perumbavoor
ലൂസിഫറിന് ശേഷം മോഹന്‍ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ബ്രോ ഡാഡിയുടെ ട്രെയ്‌ലര്‍ സോഷ്യല്‍ മീഡിയയില്‍ വൈറലാകുന്നു. അച്ഛനും മകനുമായാണ് മോഹന്‍ലാലും പൃഥ്വിരാജും അഭിനയിക്കുന്നത്. രസകരമായ ട്രെയ്‌ലറാണ് അണിയറ പ്രവര്‍ത്തകര്‍ പങ്കുവച്ചിരിക്കുന്നത്.
മോഹന്‍ലാലും പൃഥ്വിരാജും കിടിലന്‍ കോംബിനേഷന്‍ ആണെന്നാണ് ട്രെയ്‌ലര്‍ കണ്ട് ആരാധകരുടെ അഭിപ്രായം. ബ്രോ ഡാഡിയുടെ നിര്‍മാതാവ് കൂടിയായ ആന്റണി പെരുമ്പാവൂര്‍ ഈ ചിത്രത്തിലും അഭിനയിക്കുന്നുണ്ട്. ട്രെയ്‌ലറില്‍ ആന്റണിയെ ട്രോളുന്ന മോഹന്‍ലാലിനെ കാണാം. ‘ഇയാള്‍ ഇവിടേം എത്തിയോ’ എന്നാണ് ട്രെയ്‌ലറില്‍ ആന്റണി പെരുമ്പാവൂരിനെ കാണിക്കുമ്പോള്‍ മോഹന്‍ലാല്‍ പറയുന്നത്. പൊലീസ് ഉദ്യോഗസ്ഥന്റെ വേഷത്തിലാണ് ആന്റണി പെരുമ്പാവൂര്‍ ബ്രോ ഡാഡിയില്‍ അഭിനയിക്കുന്നത്.
കല്യാണി പ്രിയദര്‍ശന്‍, ഉണ്ണി മുകുന്ദന്‍, സൗബിന്‍ ഷാഹിര്‍, ജാഫര്‍ ഇടുക്കി, ലാലു അലക്‌സ്, ജഗദീഷ്, മീന, നിഖില വിമല്‍, കനിഹ, കാവ്യ എം ഷെട്ടി, മല്ലിക സുകുമാരന്‍ തുടങ്ങിയവരാണ് മറ്റുതാരങ്ങള്‍. ശ്രീജിത്ത് എന്‍, ബിബിന്‍ ജോര്‍ജ് എന്നിവരുടേതാണ് തിരക്കഥ. അഭിനന്ദന്‍ രാമാനുജം ഛായാഗ്രഹണവും ദീപക് ദേവ് സംഗീത സംവിധാനവും നിര്‍വഹിക്കുന്നു. ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് നിര്‍മാണം.
പ്രേക്ഷകര്‍ക്ക് ഏറെ പ്രിയങ്കരിയായ നടിയാണ് രഞ്ജിനി ജോസ്.…
ആരാധകര്‍ക്ക് ഏറെ പ്രിയങ്കരനായ നടനാണ് നാഗചൈതന്യ. സാമന്തയുമായുള്ള…
ആരാധകര്‍ക്ക് ഏറെ പ്രിയങ്കരിയായ നടിയാണ് നവ്യ നായര്‍.…
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് പ്രിയാ വാര്യര്‍.…
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് സ്രിന്റ. ഇന്‍സ്റ്റഗ്രാമിലാണ്…
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് മാളവിക മേനോന്‍.…