Anushka Sharma and Katrina Kaif
കത്രീന കൈഫ് – വിക്കി കൗശല്‍ വിവാഹം ബോളിവുഡ് സിനിമാലോകം ഒന്നടങ്കം ആഘോഷമാക്കിയെന്ന റിപ്പോര്‍ട്ടുകളാണ് ഇപ്പോള്‍ പുറത്തുവരുന്നത്. രാജസ്ഥാനിലെ ആഡംബര ഹോട്ടലില്‍ നൂറില്‍ കുറവ് അതിഥികള്‍ മാത്രമായാണ് കത്രീനയുടേയും വിക്കിയുടേയും വിവാഹം നടന്നത്. ബോളിവുഡില്‍ നിന്ന് അധികം താരങ്ങളൊന്നും രാജസ്ഥാനില്‍ നടന്ന വിവാഹ ചടങ്ങില്‍ പങ്കെടുക്കാനെത്തിയില്ല. വിവാഹത്തില്‍ പങ്കെടുത്തില്ലെങ്കിലും പ്രിയപ്പെട്ട സുഹൃത്തിന് താരങ്ങള്‍ വിലപിടിപ്പുള്ള വിവാഹ സമ്മാനങ്ങള്‍ നല്‍കിയതായാണ് വിവരം.
കത്രീനയുടെ ഏറ്റവും അടുത്ത സുഹൃത്തായ നടി ആലിയ ഭട്ട് സമ്മാനിച്ചത് ലക്ഷങ്ങള്‍ വിലയുള്ള പെര്‍ഫ്യൂം ബാസ്‌ക്കറ്റ് ആണെന്നാണ് റിപ്പോര്‍ട്ട്. മുംബൈയിലെ വിരുന്നില്‍ രണ്‍ബീര്‍ കപൂറും ആലിയ ഭട്ടും ഒരുമിച്ചാകും എത്തുക എന്നാണ് അറിയാന്‍ സാധിക്കുന്നത്. കത്രീനയുടെ മുന്‍ കാമുകനാണ് രണ്‍ബീര്‍. ആലിയയാണ് റണ്‍ബീറിന്റെ ഇപ്പോഴത്തെ കാമുകി. ഇരുവരും വിവാഹിതരാകാന്‍ തയ്യാറെടുക്കുകയാണ്. കത്രീനയുടെ അവസാനം പുറത്തിറങ്ങിയ ചിത്രമായ സീറോയിലെ സഹതാരവും വിക്കിയുടേയും കത്രീനയുടേയും പുതിയ അയല്‍ക്കാരിയുമായ അനുഷ്‌ക ശര്‍മ സമ്മാനിച്ചത് 6.4 ലക്ഷത്തിന്റെ കമ്മലാണെന്നും റിപ്പോര്‍ട്ടുണ്ട്.
Katrina Kaif and Vicky Kaushal
വിവാഹത്തിന് ക്ഷണിച്ചിട്ടില്ലെങ്കിലും തങ്ങളുടെ മുന്‍ കാമുകിയായ കത്രീന കൈഫിന് സല്‍മാന്‍ ഖാനും രണ്‍ബീര്‍ കപൂറും വളരെ വിലപിടിപ്പുള്ള സമ്മാനങ്ങള്‍ നല്‍കിയിട്ടുണ്ടെന്നാണ് വിവരം. കത്രീയുടെ മുന്‍ കാമുകനും അടുത്ത സുഹൃത്തുമായ നടന്‍ രണ്‍ബീര്‍ കപൂര്‍ 2.7 കോടിയുടെ ഡയമണ്ട് നെക്ലസ് ആണ് സമ്മാനിച്ചതെന്നാണ് ബോളിവുഡ് ലൈഫ് റിപ്പോര്‍ട്ട് ചെയ്യുന്നത്. കത്രീനയുടെ മറ്റൊരു മുന്‍ കാമുകനും ബോളിവുഡിലെ സൂപ്പര്‍താരവുമായ സല്‍മാന്‍ ഖാന്‍ സമ്മാനിച്ചത് മൂന്ന് കോടിയുടെ റേഞ്ച് റോവര്‍ കാറാണെന്നാണ് റിപ്പോര്‍ട്ടുകള്‍ പറയുന്നത്.
ആരാധകര്‍ക്കായി ഗ്ലാമറസ് പോസില്‍ ചിത്രങ്ങള്‍ പങ്കുവെച്ച് നസ്രിയ.…
തന്റെ ഫോണ്‍ നമ്പര്‍ സിനിമയില്‍ ഉപയോഗിച്ചു എന്ന്…
പുഷ്പ 2 ന്റെ റിലീസിനായി മലയാളികള്‍ അടക്കമുള്ള…
ഡിവോഴ്‌സ് കേസില്‍ വാദം കേള്‍ക്കവേ തങ്ങള്‍ക്ക് ഇനി…
മുന്‍കൂര്‍ അനുമതിയില്ലാതെ ഉള്‍ക്കടലില്‍ സിനിമ ചിത്രീകരണത്തിന് ശ്രമിച്ച…
ധ്യാന്‍ ശ്രീനിവാസന്‍ പ്രധാന വേഷം കൈകാര്യം ചെയ്യുന്ന…