ധോണി മുടി മുറിച്ചത് ദീപിക പറഞ്ഞിട്ട് ! വ്യക്തിപരമായ പ്രശ്‌നങ്ങള്‍ ആ പ്രണയബന്ധം തകരാന്‍ കാരണമായി

ബോളിവുഡ് താരസുന്ദരി ദീപിക പദുക്കോണ്‍ എക്കാലത്തും ഗോസിപ്പ് കോളങ്ങളിലെ നിറസാന്നിധ്യമായിരുന്നു. മുന്‍ ഇന്ത്യന്‍ ക്രിക്കറ്റ് ടീം നായകന്‍ മഹേന്ദ്രസിങ് ധോണി റണ്‍ബീര്‍ കപൂര്‍ വരെ ദീപികയ്‌ക്കൊപ്പം ഗോസിപ്പ് കോളങ്ങളില്‍ നിറഞ്ഞുനിന്ന പ്രമുഖര്‍ നിരവധിയാണ്. ധോണി – ദീപിക ബന്ധത്തെ കുറിച്ച് അക്കാലത്ത് ഏറെ വാര്‍ത്തകള്‍ പ്രചരിച്ചിരുന്നു.

മഹേന്ദ്രസിങ് ധോണി ക്രിക്കറ്റിലെത്തിയ സമയമായിരുന്നു അത്. ധോണിയുടെ നീളന്‍ മുടിയാണ് അക്കാലത്ത് ഏറെ ശ്രദ്ധിക്കപ്പെട്ടിരുന്നത്. ധോണിയുടെ നീളന്‍ മുടിക്കും ഏറെ ആരാധകര്‍ ഉണ്ടായിരുന്നു. ആ സമയത്താണ് ധോണിയും ദീപിക പദുക്കോണും പ്രണയത്തിലാണെന്ന വാര്‍ത്തകള്‍ പ്രചരിച്ചത്.

തനിക്ക് ദീപികയോട് ക്രഷ് ഉണ്ടെന്ന് ഒരിക്കല്‍ ധോണി തുറന്നുപറഞ്ഞിരുന്നു. അതിനുശേഷം ചെറിയ കാലയളവ് ഇരുവരും ഡേറ്റിങ്ങില്‍ ആയിരുന്നത്രേ ! എന്നാല്‍, ആ ബന്ധം അധികം നീണ്ടുനിന്നില്ല. ധോണിയും ദീപികയും പിരിഞ്ഞു. ധോണി തന്റെ നീളന്‍ മുടി മുറിച്ചുകളഞ്ഞത് അക്കാലത്ത് ദീപിക ആവശ്യപ്പെട്ടതുകൊണ്ട് ആണെന്നും വാര്‍ത്തകള്‍ ഉണ്ടായിരുന്നു.

ധോണിയുമായുള്ള ബന്ധം അവസാനിപ്പിച്ച ശേഷം ദീപിക യുവരാജ് സിങ്ങുമായി പ്രണയത്തിലായി. ഈ ബന്ധവും അധികകാലം നീണ്ടുനിന്നില്ല. യുവരാജ് സിങ്ങിന്റെ പൊസസീവ് മനോഭാവത്തില്‍ സഹികെട്ട് ദീപിക ആ ബന്ധവും ഉപേക്ഷിച്ചെന്നാണ് റിപ്പോര്‍ട്ടുകള്‍. പിന്നീടാണ് റണ്‍ബീര്‍ കപൂര്‍ ദീപികയുടെ ജീവിതത്തിലേക്ക് കയറിവരുന്നത്. ധോണിയാകട്ടെ സാക്ഷിയെ വിവാഹം കഴിക്കുകയും ചെയ്തു.