‘നിങ്ങൾ ഭാവിയിൽ നടനാകുമോ?’ എന്ന് ഫഹദിനോട് ആദ്യം ചോദിച്ചത് വിജയ്; തമിഴ് സൂപ്പർ താരവുമായുള്ള ആ അപ്രതീക്ഷിത കൂടിക്കാഴ്ചയെക്കുറിച്ച് ഫഹദ് ഫാസിൽ!

ഇന്ത്യൻ സിനിമയിലെ മികച്ച നടന്മാരിൽ ഒരാളായ ഫഹദ് ഫാസിൽ തന്റെ കരിയറിലെ മനോഹരമായ ഒരു ഓർമ്മ പങ്കുവെച്ചതാണ് ഇപ്പോൾ വലിയ ചർച്ചയായിരിക്കുന്നത്. തന്റെ ജീവിതത്തിൽ ആദ്യമായി ‘നിങ്ങൾ ഭാവിയിൽ ഒരു നടനാകുമോ’ എന്ന് ചോദിച്ചത് തമിഴ് സൂപ്പർ താരം വിജയ് ആണെന്നാണ് ഫഹദ് വെളിപ്പെടുത്തിയിരിക്കുന്നത്.

തന്റെ പന്ത്രണ്ടോ പതിമൂന്നോ വയസ്സിൽ, പിതാവും സംവിധായകനുമായ ഫാസിൽ ഒരുക്കിയ ‘കാതലുക്കു മര്യാദൈ’ എന്ന ചിത്രത്തിന്റെ സെറ്റിൽ വെച്ചാണ് ഫഹദ് ആദ്യമായി വിജയ്‍യെ കാണുന്നത്. അന്ന് ആ കൂടിക്കാഴ്ചയ്ക്കിടയിലാണ് വിജയ് തന്നോട് ഈ ചോദ്യം ചോദിച്ചതെന്ന് ഫഹദ് ഓർക്കുന്നു.

വർഷങ്ങൾക്ക് മുൻപ് ചെന്നൈയിലെ ആ സിനിമാ സെറ്റിൽ വെച്ച് വിജയ് ചോദിച്ച ആ ചോദ്യം ഇന്നും തന്റെ മനസ്സിൽ കൃത്യമായി നിലനിൽക്കുന്നുണ്ടെന്ന് ഫഹദ് വ്യക്തമാക്കുന്നു.