കൂട്ടുകാരിക്ക് വേണ്ടി മോഡലായി മീനൂട്ടി; സോഷ്യൽ മീഡിയയിൽ വൈറലായി മീനാക്ഷി ദിലീപിന്റെ പുത്തൻ ഫോട്ടോഷൂട്ട്!

മലയാളികളുടെ പ്രിയതാരം ദിലീപിന്റെ മകൾ മീനാക്ഷി ദിലീപ് സോഷ്യൽ മീഡിയയിൽ എപ്പോഴും ശ്രദ്ധാകേന്ദ്രമാണ്. സിനിമയിൽ അരങ്ങേറ്റം കുറിച്ചില്ലെങ്കിലും മീനാക്ഷിയുടെ ഓരോ ചിത്രങ്ങളും വിശേഷങ്ങളും ആരാധകർ വളരെ ആവേശത്തോടെയാണ് ഏറ്റെടുക്കാറുള്ളത്. കാവ്യ മാധവന്റെ ഓൺലൈൻ വസ്ത്ര വ്യാപാര ബ്രാൻഡായ ‘ലക്ഷ്യ’-ക്ക് വേണ്ടി മീനാക്ഷി മുൻപ് മോഡലായി തിളങ്ങിയിട്ടുണ്ട്. എന്നാൽ ഇപ്പോൾ തന്റെ പ്രിയ സുഹൃത്തും നടിയുമായ നമിത പ്രമോദിന്റെ പുതിയ വസ്ത്ര ബ്രാൻഡിന് വേണ്ടിയാണ് മീനാക്ഷി മനോഹരമായ ഫോട്ടോഷൂട്ടുകൾ നടത്തിയിരിക്കുന്നത്.

നമിത പ്രമോദിന്റെ ഉടമസ്ഥതയിലുള്ള ‘നമ്മ ദേസി എന്ന പ്രീമിയം സാരി ബ്രാൻഡിന്റെ പുതിയ എഡിഷനുകളുടെ മോഡലായാണ് മീനാക്ഷി എത്തിയിരിക്കുന്നത്. നമിതയുടെ ഈ പുതിയ സംരംഭത്തെ പിന്തുണച്ചുകൊണ്ട് മീനാക്ഷി പങ്കുവെച്ച ചിത്രങ്ങൾ ഇതിനോടകം തന്നെ സോഷ്യൽ മീഡിയയിൽ വൻ തരംഗമായി മാറിക്കഴിഞ്ഞു.

സിനിമയ്ക്ക് അപ്പുറം വ്യക്തിജീവിതത്തിലും അടുത്ത സുഹൃത്തുക്കളായ ഇരുവരും ഒന്നിച്ചുള്ള ഈ പുതിയ ചുവടുവെപ്പ് ആരാധകരും ഏറ്റെടുത്തു കഴിഞ്ഞു.