പാറപ്പുറത്ത് ഒരു സുന്ദരി; നാടൻ ലുക്കിൽ ഹൃദയം കവർന്ന് സരയു മോഹൻ

തനിമയാർന്ന നാടൻ ലുക്കുകൾ എന്നും മലയാളിക്ക് പ്രിയപ്പെട്ടതാണ്. അത്തരത്തിൽ സോഷ്യൽ മീഡിയയിൽ ഇപ്പോൾ തരംഗമായിക്കൊണ്ടിരിക്കുകയാണ് നടി സരയു മോഹൻ്റെ പുതിയ ഫോട്ടോഷൂട്ട്.

മാറുന്ന ഫാഷൻ ട്രെൻഡുകൾക്കിടയിലും കേരളീയ തനിമയുള്ള വസ്ത്രധാരണത്തിന് ഇപ്പോഴും വൻ സ്വീകാര്യതയുണ്ടെന്ന് തെളിയിക്കുന്നതാണ് സരയുവിന്റെ ഈ സുന്ദരമായ വേറിട്ട ലുക്ക്.
ഇളം ഓറഞ്ച് നിറത്തിലുള്ള സാരിയും അതിനൊപ്പം കോൺട്രാസ്റ്റ് നൽകുന്ന മാരൂൺ നിറത്തിലുള്ള ബ്ലൗസുമാണ് താരം ധരിച്ചിരിക്കുന്നത്.

“സ്നേഹം കൊണ്ട് മുറിവേറ്റവൾ…” എന്ന മനോഹരമായ അടിക്കുറിപ്പോടെ പങ്കുവെച്ച ഈ ചിത്രങ്ങൾ ഇതിനോടകം തന്നെ സോഷ്യൽ മീഡിയയിൽ വൈറലായിക്കഴിഞ്ഞു.