മലയാള സിനിമയില് സ്വാഭാവിക അഭിനയശൈലിയിലൂടെ ശ്രദ്ധ നേടിയ നടിയാണ് അപര്ണ ബാലമുരളി. മലയാളത്തിനൊപ്പം തമിഴ് സിനിമകളിലും ശ്രദ്ധേയമായ പ്രകടനങ്ങള് കാഴ്ചവെച്ച അപര്ണ, ദേശീയ ചലച്ചിത്ര പുരസ്കാരം നേടിയതോടെ ഇന്ത്യന് സിനിമയിലെ മുന്നിര യുവതാരങ്ങളില് ഒരാളായി മാറി
1995 സെപ്റ്റംബര് 11-ന് തൃശൂരിലാണ് അപര്ണ ബാലമുരളി ജനിച്ചത്. സംഗീതസംവിധായകനായ കെ. പി. ബാലമുരളിയുടെയും അഭിഭാഷകയും പിന്നണി ഗായികയുമായ ശോഭ ബാലമുരളിയുടെയും മകളാണ്. തൃശൂരിലെ ദേവമാത സി.എം.ഐ. പബ്ലിക് സ്കൂളില് പഠിച്ച ശേഷം പാലക്കാട്ടെ ഗ്ലോബല് ഇന്സ്റ്റിറ്റ്യൂട്ട് ഓഫ് ആര്ക്കിടെക്ചറില് നിന്ന് ആര്ക്കിടെക്ചര് ബിരുദം നേടി. ചെറുപ്പം മുതല് ശാസ്ത്രീയ സംഗീതത്തിലും നൃത്തത്തിലും പരിശീലനം നേടിയിരുന്നു.
2015-ല് പുറത്തിറങ്ങിയ ‘ഒരു സെക്കന്ഡ് ക്ലാസ് യാത്ര’ എന്ന ചിത്രത്തിലൂടെയാണ് നായികയായി അരങ്ങേറ്റം കുറിച്ചത്. തുടര്ന്ന് ‘മഹേഷിന്റെ പ്രതികാരം’, ‘സണ്ഡേ ഹോളിഡേ’, ‘തൃശ്ശിവപേരൂര് ക്ലിപ്തം’, ‘കാമുകി’, ‘ബി.ടെക്’ തുടങ്ങിയ ചിത്രങ്ങളിലൂടെ മലയാള സിനിമയില് തന്റേതായ ഇടം ഉറപ്പിച്ചു. തമിഴില് ‘സൂരറൈ പോട്രു’ എന്ന ചിത്രത്തിലെ ‘ബൊമ്മി’ എന്ന കഥാപാത്രം കരിയറിലെ വഴിത്തിരിവായി മാറി. ഈ പ്രകടനത്തിന് മികച്ച നടിക്കുള്ള ദേശീയ ചലച്ചിത്ര പുരസ്കാരവും ഫിലിംഫെയര് സൗത്ത് പുരസ്കാരവും നേടി
മലയാള സിനിമയിലും ടെലിവിഷന് രംഗത്തും ഒരുപോലെ തന്റേതായ…
ആരാധകര്ക്കായി പുതിയ ചിത്രങ്ങള് പങ്കുവെച്ച് അനുമോള്. ഇന്സ്റ്റഗ്രാമിലാണ്…
കണ്ടന്റ് ക്രിയേറ്ററായ പ്രാചി ശര്മ്മയുമായുള്ള അഭിമുഖത്തിനിടെ 'റോജ'…
നാലാം ഘട്ട മെറ്റാസ്റ്റാറ്റിക് ക്യാന്സറിനെ അതിജീവിച്ച പ്രശസ്ത…
സോഷ്യല് മീഡിയയുടെ വിമര്ശനങ്ങള് ഏറ്റുവാങ്ങി നടിയും ഇന്ഫ്ളുവന്സറുമായ…
തനിക്കും കുടുംബത്തിനുമെതിരെ പ്രചരിക്കുന്ന ആരോപണങ്ങള്ക്ക് മറുപടിയുമായി നടി…