കാത്തിരിപ്പിന് അവസാനിച്ചു; ‘ജനനായകന്‍’ റിലീസ് തീയതി പ്രഖ്യാപിച്ചു

തമിഴ് സൂപ്പര്‍താരം വിജയ് നായകനാകുന്ന ‘ജനനായകന്‍’ എന്ന ചിത്രത്തിന്റെ റിലീസ് തീയതി ഔദ്യോഗികമായി പ്രഖ്യാപിച്ചു. ജൂലൈ 23-നാണ് ചിത്രം ലോകമെമ്പാടുമുള്ള തിയേറ്ററുകളില്‍ എത്തുക.

രാഷ്ട്രീയ പ്രവേശനം പ്രഖ്യാപിച്ച വിജയ് അഭിനയിക്കുന്ന അവസാന ചിത്രമായിരിക്കുമെന്ന പ്രത്യേകത കൊണ്ടാണ് ജനനായകന്‍ ഏറെ ശ്രദ്ധ നേടുന്നത്.

എച്ച്. വിനോദ് സംവിധാനം ചെയ്യുന്ന ചിത്രത്തില്‍ വമ്പന്‍ താരനിരയാണ് അണിനിരക്കുന്നത്. പൂജ ഹെഗ്‌ഡെ, ബോബി ദിയോള്‍, ഗൗതം വാസുദേവ് മേനോന്‍, പ്രകാശ് രാജ്, പ്രിയാമണി, മമിത ബൈജു, നരേന്‍ തുടങ്ങിയ താരങ്ങള്‍ ചിത്രത്തിന്റെ ഭാഗമാണ്. ചിത്രത്തിന്റെ സംഗീതം ഒരുക്കുന്നത് അനിരുദ്ധ് രവിചന്ദറാണ്.