‘പള്ളിച്ചട്ടമ്പി’യിലെ കഥാപാത്രത്തിനായി താന് ശരീരഭാരം കൂട്ടിയെന്ന് നടന് ടൊവിനോ. ശാരീരികമായി വളരെ കരുത്തുറ്റ ഒരു കഥാപാത്രമാണ് ചിത്രത്തില് തന്റേതെന്നും നടന് പറഞ്ഞു. ഡിജോ ജോസ് ആന്റണി സംവിധാനം ചെയ്യുന്ന ചിത്രം വിഷു റിലീസായി ഏപ്രില് 10 നാണ് റിലീസ് ചെയ്യുന്നത്. ചിത്രത്തിന്റെ പ്രൊമോഷന്റെ ഭാ?ഗമായി നടന്ന അഭിമുഖത്തില് സംസാരിക്കുകയായിരുന്നു നടന്.
‘കഥാപാത്രത്തിനായി ഭാരം കൂട്ടണമെന്ന് ഡിജോ എന്നോട് പറഞ്ഞു. അതുവരെ ഞാന് കര്ശനമായ ഭക്ഷണക്രമം പാലിച്ചിരുന്ന ആളാണ്. പക്ഷേ ഈ സിനിമക്കായി ഞാന് അത് നിര്ത്തി. കഥാപാത്രത്തിന് അനുയോജ്യമായ രീതിയില് എന്റെ ഹെയര് സ്റ്റൈലും മീശയും ഞാന് മാറ്റി’.- ടൊവിനോ പറഞ്ഞു.
1950 കളില് കേരളത്തില് നടന്ന സംഭവങ്ങളില് നിന്ന് പ്രചോദനം ഉള്ക്കൊണ്ടാണ് പള്ളിച്ചട്ടമ്പി ഒരുക്കിയിരിക്കുന്നതെന്നും വെറും ആക്ഷന് മാത്രമല്ല, ശക്തമായ വൈകാരികതലങ്ങളുള്ള ഒരു ചിത്രം കൂടിയാണ് പള്ളിച്ചട്ടമ്പിയെന്നും ടൊവിനോ കൂട്ടിച്ചേര്ത്തു.
‘ഒരിക്കല് നിങ്ങള് ഈ സിനിമ കണ്ടുകഴിഞ്ഞാല്, അതിന്റെ ആത്മാവ് എന്താണെന്ന് നിങ്ങള്ക്ക് മനസ്സിലാകും. മനുഷ്യത്വം തന്നെയാണ് ചിത്രത്തിന്റെ കാതല് എന്ന് പറയുന്നത്. ആരും ഉന്നതരുമല്ല, താഴ്ന്നവരുമല്ല. കുടുംബ പ്രേക്ഷകര്ക്കായി ഒരുക്കിയിരിക്കുന്ന മനോഹരമായ ഒരു വൈകാരിക ചിത്രമാണിത്’.- ടൊവിനോ വ്യക്തമാക്കി.
നടി, നര്ത്തകി, ഗായിക, അവതാരക എന്നീ നിലകളിലൊക്കെ…
തന്റെ ജീവിതത്തിലുണ്ടായ കയ്പ്പേറിയ അനുഭവങ്ങളും, അച്ഛന് കൊല്ലം…
മലയാളികളുടെ പ്രിയപ്പെട്ട നടന്മാരിലൊരാളാണ് കുഞ്ചാക്കോ ബോബന്. തന്റെ…
ആരാധകര്ക്കായി പുതിയ ചിത്രങ്ങള് പങ്കുവെച്ച് പാര്വതി. ഇന്സ്റ്റഗ്രാമിലാണ്…