എന്റെ ടോക്‌സിക്കായ ബന്ധം ഉപേക്ഷിച്ചു: സാമന്ത

തെന്നിന്ത്യന്‍ സിനിമ ലോകത്ത് ഇതിനോടകം തന്നെ ശക്തമായ സാനിധ്യമായി മാറി കഴിഞ്ഞ താരമാണ് സാമന്ത. യാതൊരു സിനിമാ പാരമ്പര്യവുമില്ലാതെ സിനിമാ ലോകത്തേക്ക് കടന്നുവന്ന സാമന്ത കുറഞ്ഞ കാലം കൊണ്ടാണ് വലിയ താരമൂല്യമുള്ള നായികയായി മാറിയത്. ഇന്ന് ദക്ഷിണേന്ത്യയില്‍ ഏറ്റവും കൂടുതല്‍ പ്രതിഫലം വാങ്ങുന്ന താരങ്ങളിലൊരാളാണ് സാമന്ത.

സമൂഹ മാധ്യമങ്ങളിലും സജീവ സാനിധ്യമായ സാമന്തയ്ക്ക് 24 മീല്ല്യണിനടുത്ത് ഫോളോവേഴ്സ് ആണുള്ളത്. തന്റെ ചിത്രങ്ങളും വീഡിയോസുമെല്ലാം ഇന്‍സ്റ്റാ വാളില്‍ പോസ്റ്റ് ചെയ്യാന്‍ താരവും മറക്കാറില്ല.

ഇപ്പോള്‍ തന്റെ ടോക്‌സിക് ബന്ധം താന്‍ ഉപേക്ഷിച്ചു എന്നാണ് താരം പറയുന്നത്. എന്റെ ജീവിതത്തില്‍ ഞാന്‍ വളരെ മാറ്റങ്ങള്‍ വരുത്തിയിട്ടുണ്ട്, അതില്‍ ഞാന്‍ വളരെ സന്തുഷ്ടയാണ്. എനിക്ക് നിയന്ത്രിക്കാന്‍ കഴിയാത്ത ഒരേയൊരു കാര്യം ഇതായിരുന്നു… എന്റെ ഫോണിനോടുള്ള അമിതമായ ആത്മബന്ധം. എന്റെ ഫോണുമായുള്ള ബന്ധം ഞാന്‍ വീണ്ടും വീണ്ടും ചോദ്യം ചെയ്യാന്‍ തുടങ്ങിയിരുന്നു. ‘ഇത് എന്റെ ജോലി, ഇത് ചെയ്യേണ്ടതാണ്’ എന്ന തെറ്റായ ചിന്ത കൊണ്ട് അതിന് അമിത പ്രാധാന്യം നല്‍കി,’ സമാന്ത വെളിപ്പെടുത്തി.