ജിമ്മില്‍ പോകുമ്പോള്‍ എന്നെപ്പോലെ ചെയ്താല്‍ മതി; അമ്മയോട് അഹാന പറയുന്നു

ആരാധകര്‍ക്ക് ഏറെ പ്രിയങ്കരിയായ താരമാണ് അഹാന കൃഷ്ണ. സോഷ്യല്‍ മീഡിയയില്‍ സജീവമായ അഹാന എന്നും തന്റെ ചിത്രങ്ങളും വീഡിയോയും പങ്കുവെക്കാറുണ്ട്.

അച്ഛന്റെ പിന്നാലെ അഭിനയരംഗത്തേക്ക് എത്തിയ അഹാനയ്ക്ക് ഒരുപിടി നല്ല സിനിമകളുടെ ഭാഗമാകാനും സാധിച്ചിട്ടുണ്ട്. അഹാനയെപ്പോലെ തന്നെ സഹോദരിമാരും സോഷ്യല്‍ മീഡിയയില്‍ ഏറെ സജീവമാണ്.

ഇപ്പോള്‍ ജിമ്മില്‍ പോകുന്ന അമ്മയ്ക്ക് ഉപദേശം നല്‍കുകയാണ് അഹാന. റഗുലറായിട്ട് ജിമ്മില്‍ പോവുക. റിസല്‍ട്ടുണ്ടാക്കുക. ഡെയ്ലി അമ്മ ഫോട്ടോ എടുത്ത് വെക്കണം. അപ്പോഴേ ഒന്നോ, രണ്ടോ മാസം കഴിഞ്ഞാലുള്ള മാറ്റം മനസിലാവൂ. അത് കാണുമ്പോള്‍ അമ്മയ്ക്ക് കോണ്‍ഫിഡന്‍സ് കൂടും. അതുപോലെ കണ്‍സിസ്റ്റന്റായിരിക്കണം. ഒരുദിവസം പോയിട്ട് മലമറിച്ചത് കൊണ്ട് ഒരു കാര്യവുമില്ല. അങ്ങനെ പോവുമ്പോള്‍ നമ്മള്‍ ഓവറായിട്ട് ചെയ്തില്ലെങ്കിലും റിസല്‍ട്ട് വരും. അതിന്റെ ഉദാഹരണമാണ് ഞാന്‍. ഓവറായിട്ട് ഞാനൊന്നും ചെയ്യാറില്ല. പക്ഷേ, ഞാന്‍ കണ്‍സിസ്റ്റന്റാണെന്നായിരുന്നു അഹാന പറഞ്ഞത്.