ഒരു ഷോ കാരണം തകരുന്നതാണോ ജീവിതം; വീണ ചോദിക്കുന്നു

നടിയായും നര്‍ത്തകി എന്ന നിലയിലും കഴിവെ തെളിയിച്ച താരമാണ് വീണ നായര്‍. സോഷ്യല്‍ മീഡിയയില്‍ ഏറെ സജീവാണ് വീണ. എന്നും ആരാധകര്‍ക്കായി താരം ചിത്രങ്ങള്‍ പങ്കുവെക്കാറുണ്ട്.

വെള്ളിമൂങ്ങ എന്ന സിനിമയില്‍ നല്ലൊരു വേഷം ചെയ്യാന്‍ താരത്തിന് സാധിച്ചിട്ടുണ്ട്. സിരീയലിലും നല്ല വേഷങ്ങള്‍ ചെയ്തിട്ടുണ്ട്. ബിഗ്ബോസ് എന്ന റിയാലിറ്റി ഷോയിലും നല്ല പ്രകടനമായിരുന്നു വീണ കാഴ്ച വെച്ചത്.

2014ല്‍ ആയിരുന്നു വീണ നായരും ആര്‍ജെ അമനും വിവാഹിതരായത്. ഇരുവര്‍ക്കും ഒരു മകനുണ്ട്. 2022 മുതല്‍ വീണ നായരുടെ വിവാഹമോചനവുമായി ബന്ധപ്പെട്ട് അഭ്യൂഹങ്ങള്‍ ഉണ്ടായിരുന്നു. ബിഗ് ബോസ് ഷോയില്‍ പങ്കെടുത്തതിനു ശേഷമാണ് വീണയും ഭര്‍ത്താവും തമ്മിലുള്ള ബന്ധം വഷളായത് എന്ന ഗോസിപ്പുകളും സമൂഹമാധ്യമങ്ങളില്‍ പ്രചരിച്ചിരുന്നു. ആ ഗോസിപ്പുകളോട് പ്രതികരിച്ച് വീണ നായര്‍ പറഞ്ഞ കാര്യങ്ങളാണ് ഇപ്പോള്‍ ശ്രദ്ധ നേടുന്നത്.

‘ഒരു ടെലിവിഷന്‍ ഷോ കാരണം തകരുന്നത് അല്ല ഒരു കുടുംബം. അത് കുറേ നാളുകളായുള്ള യാത്രകള്‍ കൊണ്ട് സംഭവിക്കുന്നതാണ്. ഈ പരിപാടി കാരണമാണ് എന്റെയും മഞ്ജു പത്രോസിന്റെയും ജീവിതം തകര്‍ന്നത് എന്ന വാര്‍ത്തകള്‍ ഒക്കെ കണ്ടിരുന്നു. അതില്‍ ഒരു സത്യവുമില്ല,’ എന്നായിരുന്നു വീണയുടെ വാക്കുകള്‍.