അവന്റെ കുടുംബം ഞാനാണ്; അശ്വിന്റെ കുടുംബത്തെക്കുറിച്ചുള്ള ചോദ്യത്തിന് മറുപടിയുമായി ദിയ

സോഷ്യല്‍ മീഡിയയില്‍ ഏവര്‍ക്കും പ്രിയങ്കരിയായ താരമാണ് ദിയ കൃഷ്ണ. ആരാധകര്‍ക്കായി എന്നും തന്റെ ചിത്രങ്ങളും വീഡിയോയും എല്ലാം താരം പങ്കുവെക്കാറുമുണ്ട്.

നടന്‍ കൃഷ്ണ കുമാറിന്റെ രണ്ടാമത്തെ മകളാണ് ദിയ. അഹാനയാണ് ദിയയുടെ മൂത്ത സഹോദരി. മികച്ചൊരു മോഡലും ഡാന്‍സറും കൂടിയാണ് ദിയ. ഈയടുത്തായിരുന്നു ദിയയുടെ വിവാഹം. സുഹൃത്ത് കൂടിയായി അശ്വിനെയാണ് താരം വിവാഹം ചെയ്തിരിക്കുന്നത്. താന്‍ ഗര്‍ഭിണിയാണെന്ന് താരം നേരത്തെ തന്നെ ആരാധകരോട് പറഞ്ഞിരുന്നു.

അശ്വിന്റെ കുടുംബത്തെ അവ?ഗണിക്കുന്നു എന്ന വാദത്തിന് ദിയ നല്‍കിയ മറുപടിയാണിപ്പോള്‍ ശ്രദ്ധ നേടുന്നത്. തന്റെ കുടുംബാ?ഗങ്ങള്‍ക്കും അശ്വിനുമൊപ്പമുള്ള ദിയയുടെ പുതിയ വീഡിയോക്ക് താഴെയാണ് കമന്റ് വന്നത്. അശ്വിന് ഫാമിലി ഇല്ലേ, അശ്വിന്റെ ഫാമിലിയുടെ കൂടെ ഒരു വീഡിയോ ഇട് എന്നായിരുന്നു കമന്റ്. ഞാനാണ് അശ്വിന്റെ ഫാമിലി. അതിനാല്‍ എന്റെ കുടുംബം അവന്റെയും കുടുംബമാണ്. അങ്ങനെ നോക്കിയാല്‍ അത് അശ്വിന്റെ ഫാമിലി അല്ലേ ചേച്ചി എന്നാണ് ദിയ കൃഷ്ണ നല്‍കിയ മറുപടി.