അച്ഛന്റെ പിറന്നാളിന് ഇതുവരെ ഇല്ലാത്ത ചവിട്ടാണ് ബേബി തന്നത്: ദിയ കൃഷ്ണ

സോഷ്യല്‍ മീഡിയയില്‍ ഏവര്‍ക്കും പ്രിയങ്കരിയായ താരമാണ് ദിയ കൃഷ്ണ. ആരാധകര്‍ക്കായി എന്നും തന്റെ ചിത്രങ്ങളും വീഡിയോയും എല്ലാം താരം പങ്കുവെക്കാറുമുണ്ട്.

നടന്‍ കൃഷ്ണ കുമാറിന്റെ രണ്ടാമത്തെ മകളാണ് ദിയ. അഹാനയാണ് ദിയയുടെ മൂത്ത സഹോദരി. മികച്ചൊരു മോഡലും ഡാന്‍സറും കൂടിയാണ് ദിയ. സോഷ്യല്‍ മീഡിയ ഇന്‍ഫല്‍വന്‍സര്‍ കൂടിയാണ് ദിയ. താരം ഇപ്പോള്‍ അമ്മയാകാനുള്ള തയ്യാറെടുപ്പിലാണ്.

അശ്വിന്റെ ജന്മദിനത്തിലെ വിശേഷങ്ങളാണ് താരം പങ്കുവയ്ക്കുന്നത്. അശ്വിന് ആശംസ നേരുന്ന വീഡിയോ ദിയ സോഷ്യല്‍ മീഡിയയിലൂടെ പങ്കുവച്ചിട്ടുണ്ട്. വീഡിയോയില്‍ ദിയ ഹാപ്പി ബര്‍ത്ത് ഡേ ടു യു പാടുമ്പോള്‍ അരികിലിരുന്ന് കയ്യടിക്കുന്ന അശ്വിനെ കാണാം. അതോടൊപ്പം വയറ്റിലുള്ള കുഞ്ഞ് വല്ലാതെ ചവിട്ടുന്നുണ്ടെന്നും അച്ഛനുള്ള പിറന്നാള്‍ ആശംസ അറിയിക്കുകയാണെന്നും ദിയ പറയുന്നുണ്ട്.