വണ്ണമുള്ളതിന് ഏത് റേഷന്‍കടയിലെ ചോറാണ് തിന്നുന്നതെന്നാണ് ചോദ്യം; ബോഡിഷെയിമിങ്ങിനെക്കുറിച്ച് തുറന്ന് പറഞ്ഞ് വീണ നായര്‍

നടിയായും നര്‍ത്തകി എന്ന നിലയിലും കഴിവെ തെളിയിച്ച താരമാണ് വീണ നായര്‍. സോഷ്യല്‍ മീഡിയയില്‍ ഏറെ സജീവാണ് വീണ. എന്നും ആരാധകര്‍ക്കായി താരം ചിത്രങ്ങള്‍ പങ്കുവെക്കാറുണ്ട്.

വെള്ളിമൂങ്ങ എന്ന സിനിമയില്‍ നല്ലൊരു വേഷം ചെയ്യാന്‍ താരത്തിന് സാധിച്ചിട്ടുണ്ട്. സിരീയലിലും നല്ല വേഷങ്ങള്‍ ചെയ്തിട്ടുണ്ട്. ബിഗ്‌ബോസ് എന്ന റിയാലിറ്റി ഷോയിലും നല്ല പ്രകടനമായിരുന്നു വീണ കാഴ്ച വെച്ചത്. അതിന് ശേഷമാണ് താരം വിവാഹമോചിതയാകുന്നത്.

ഇപ്പോള്‍ വണ്ണത്തിന്റെ പേരില്‍ തനിക്ക് നേരിടേണ്ടിവരുന്ന ബോഡിഷെയിമിങ്ങിനെക്കുറിച്ചാണ് താരം പറയുന്നത്. വണ്ണം ഉള്ളതിനാല്‍ സാരി ഉടുക്കുമ്പോഴും അല്ലാതെയുമൊക്കെ മോശം പറയുന്നവരുണ്ട്. ആ ശീലം പലര്‍ക്കും നിര്‍ത്താന്‍ പറ്റുന്നില്ല. അവരിങ്ങനെ പറഞ്ഞ് കൊണ്ടേയിരിക്കും. നാട്ടിലുള്ളവരുമൊക്കെ നിനക്ക് ഇതെന്തൊരു വണ്ണമാണ്, നീ ഇതെന്താ കഴിക്കുന്നതെന്ന് ചോദിക്കുമായിരുന്നു. വേറെ ചിലര്‍ നീ ഇതേത് റേഷന്‍ കടയിലെ ചോറാണ് കഴിക്കുന്നതെന്ന് ചോദിക്കും. പണ്ടത് തമാശ പോലെയായിരുന്നെങ്കില്‍ ഇപ്പോള്‍ സോഷ്യല്‍ മീഡിയയില്‍ പബ്ലിക്ക് ആയി ചോദിക്കാന്‍ തുടങ്ങി. അതിടുന്നവര്‍ക്ക് പ്രത്യേകമായൊരു സുഖം കിട്ടുന്നുണ്ട് എന്നാണ് വീണ നായര്‍ പറയുന്നത്.