മലയാളികള്ക്ക് ഏറെ പ്രിയങ്കരിയായ നടിയാണ് ഹണി റോസ്. വിനയന് സംവിധാനം ചെയ്ത ബോയ് ഫ്രണ്ട് എന്ന സിനിമയിലൂടെ അഭിനയ രംഗത്തേക്ക് വന്ന ഹണി ‘മുതല് കനവ്’ എന്ന സിനിമയിലൂടെയാണ് തമിഴിലും അരങ്ങേറ്റം കുറിക്കുന്നത്. മലയാളത്തില് ട്രിവാന്ഡ്രം ലോഡ്ജ്, ഹോട്ടല് കാലിഫോര്ണിയ തുടങ്ങിയ സിനിമകളിലെ പ്രകടനം ഏറെ ശ്രദ്ധ നേടി.
മലയാളത്തിന് പുറമെ തമിഴ്, കന്നഡ, തെലുങ്ക് ചിത്രങ്ങളിലും അഭിനയിച്ചിട്ടുള്ള താരം സമൂഹ മാധ്യമങ്ങളിലും സജീവമാണ്. കഴിഞ്ഞ ദിവസമാണ് തനിക്കെതിരെ മോശം പരാമര്ശങ്ങള് നടത്തുന്നവര്ക്കെതിരെ താരം പരാതി നല്കിയത്. സംഭവത്തില് ഒരാളെ അറസ്റ്റ് ചെയ്യുകയും ചെയ്തിരുന്നു. ഇപ്പോള് വസ്ത്രധാരണവുമായി ബന്ധപ്പെട്ട് കൂടുതല് പ്രതികരണമാണ് താരം നടത്തിയിരിക്കുന്നത്.
ഇന്ത്യയിലെ നിയമസംവിധാനം അനുവദിക്കാത്ത ഒരു വസ്ത്രവും ധരിച്ച് ഞാന് പൊതുവേദിയില് എത്തിയിട്ടില്ല. നിങ്ങള് ഓരോരുത്തരും അവരവരുടെ ചിന്തകള് അനുസരിച്ച് സ്വയം നിയമസംഹിതകള് സൃഷ്ടിക്കുന്നതില് ഞാന് ഉത്തരവാദി അല്ല. ഒരു അഭിനേത്രി എന്ന നിലയില് എന്നെ വിളിക്കുന്ന ചടങ്ങുകള്ക്ക് പോകുന്നത് എന്റെ ജോലിയുടെ ഭാഗമാണ്. എന്റെ വസ്ത്രധാരണത്തെക്കുറിച്ചോ എന്നെക്കുറിച്ചോ ക്രിയാത്മകമായോ സര്ഗാത്മകമായോ വിമര്ശിക്കുന്നതിലും തമാശ ഉണ്ടാക്കുന്നതിലും എനിക്ക് വിരോധം ഇല്ല. പക്ഷെ അത്തരം പരാമര്ശങ്ങള്ക്ക്, ആംഗ്യങ്ങള്ക്ക് ഒരു റീസണബിള് റെസ്ട്രിക്ഷന് വരണം എന്ന് ഞാന് വിശ്വസിക്കുന്നു എന്നും താരം പറയുന്നു.
ഏതൊരു ജോലിയിലും, ഇന്റസ്ട്രിയിലും പങ്കാളിയുടെ പിന്തുണ ഏതൊരാള്ക്കും…
സൂര്യയ്ക്ക് ജ്യോതികയാണോ പിന്തുണ നല്കുന്നത്, ജ്യോതികയ്ക്ക് സൂര്യയാണോ…
ദീപിക പദുക്കോണും രണ്വീര് സിംഗും പേരന്റ്ഹുഡിലേക്ക് കടന്നിരിക്കുകയാണ്.…
ആരാധകര്ക്കായി പുതിയ ചിത്രങ്ങള് പങ്കുവെച്ച് പ്രിയാ വാര്യര്.…
സൗത്ത് ഇന്ത്യന് സിനിമാരംഗത്ത് ആരാധകര് ഏറെയുള്ള നടനാണ്…