ഭാര്യ നല്ല ഭക്ഷണം തരുന്നു, സന്തോഷത്തോടെ ഇരിക്കുന്നു; മനസ്സ് തുറന്ന് ബാല

ഭാര്യ കോകിലക്കൊപ്പം താന്‍ സന്തോഷമായി ജീവിക്കുന്നുവെന്ന് തുറന്നുപറഞ്ഞ് നടന്‍ ബാല. വിവാഹശേഷം ജീവിതത്തില്‍ തനിക്ക് മനസ്സമാധാനം ലഭിച്ചെന്നും കൂടുതല്‍ സന്തോഷവാനാണെന്നും ബാല കൂട്ടിച്ചേര്‍ത്തു.

സൂര്യയുടെ പുതിയ ചിത്രമായ കങ്കുവ സംവിധാനം ചെയ്തിരിക്കുന്നത് ബാലയുടെ ചേട്ടന്‍ ശിവയാണ്. സിനിമ കാണാന്‍ തിയേറ്ററില്‍ എത്തിയപ്പോഴാണ് താരം മനസ്സ് തുറന്നത്. ഭാര്യ നല്ല ഭക്ഷണം ഉണ്ടാക്കി തരുന്നുണ്ടെന്നും ആ കാര്യത്തില്‍ താന്‍ ഹാപ്പിയാണെന്നാണ് താരം പറഞ്ഞത്. അമ്മയ്ക്ക് ഇപ്പോള്‍ വളറെ സന്തോഷമായി എന്നും ബാല കൂട്ടിച്ചേര്‍ത്തു.

അമ്മയ്ക്കും ഭാര്യയ്ക്കുമൈാപ്പം ദീപാവലി ആഘോഷിക്കുന്ന ബാലയുടെ ചിത്രങ്ങളും ഏറെ വൈറലായിരുന്നു. ഒക്ടോബര്‍ 23നായിരുന്നു ബാല കോകിലയെ വിവാഹം ചെയ്തത്. ബാലയുടെ നാലാം വിവാഹമായിരുന്നു ഇത്. ക്ഷേത്രത്തില്‍ വച്ച് ലളിതമായ ചടങ്ങുകളോട് കൂടിയായിരുന്നു ബാലയും കോകിലയും വിവാഹിതരായത്. ചെന്നൈ സ്വദേശിയാണ് കോകില. ബാലയുടെ ബന്ധു കൂടിയാണ് ഇവര്‍.