സൂര്യയുടെയും ജ്യോതികയുടെയും മകള്‍ ദിയ സിനിമയിലേക്ക്

തമിഴിലെ സൂപ്പര്‍ഹിറ്റ് താര ജോഡികളായ സൂര്യയുടെയും ജ്യോതികയുടെയും മകള്‍ ദിയ സൂര്യയും സിനിമയിലേക്ക് എത്തുന്നു. ലീവിങ് ലൈറ്റ് എന്ന ഡോക്യുമെന്ററി സംവിധാനം ചെയ്തുകൊണ്ടാണ് ദിയ സിനിമാരംഗത്തേക്ക് പ്രവേശിച്ചിരിക്കുന്നത്. ഇന്‍സ്റ്റഗ്രാമിലൂടെ ജ്യോതികയാണ് മകളുടെ സിനിമാപ്രവേശത്തെക്കുറിച്ചുള്ള വാര്‍ത്ത പങ്കുവെച്ചിരിക്കുന്നത്.

വിനോദ വ്യവസായത്തിന്റെ പേരില്‍ സ്ത്രീകള്‍ നേരിടുന്ന പ്രശ്‌നങ്ങള്‍ ആണ് ദിയ സൂര്യ സംവിധാനം ചെയ്ത ഡോക്യുമെന്ററിയുടെ പ്രമേയം.

ജ്യോതികയ്‌ക്കൊപ്പം സൂര്യയും മകളുടെ ആദ്യ സിനിമ സംരംഭത്തെക്കുറിച്ച് പ്രശംസിച്ച രംഗത്തെത്തിയിട്ടുണ്ട്. സ്ത്രീകള്‍ നേരിടുന്ന വിവേചനത്തെക്കുറിച്ച് ഇത്രയും നല്ലൊരു ഡോക്യുമെന്ററി നിര്‍മ്മിച്ച മകളെ ഓര്‍ത്ത് ഞാന്‍ അഭിമാനിക്കുന്നു ഇത് തുടരുക എന്നുമാണ് ജ്യോതിക ഇന്‍സ്റ്റഗ്രാമില്‍ കുറിച്ചിരിക്കുന്നത്.

നിന്റെ അപ്പയായതില്‍ ഞാന്‍ അഭിമാനിക്കുന്നു എന്നാണ് സൂര്യ ഇന്‍സ്റ്റഗ്രാമില്‍ കുറിച്ചിരിക്കുന്നത്. എന്റെ എല്ലാ സ്‌നേഹവും ആദരവും നിനക്കുണ്ട് എന്നും സൂര്യ പറയുന്നു.