മനസ്സമാധാനത്തോടെ കിടന്നുറങ്ങുന്ന രാത്രികള്‍ എനിക്കില്ല: മഞ്ജു വാര്യര്‍

മലയാളികള്‍ക്ക് ഏറെ പ്രിയങ്കരിയായ താരമാണ് മഞ്ജു വാര്യര്‍. സിനിമയില്‍ നിന്നും ഇടവേള എടുത്തിരുന്നെങ്കിലും ഇപ്പോള്‍ വലിയ തിരിച്ചു വരവ് തന്നെയാണ് താരം നടത്തിയിരിക്കുന്നത്.

സാക്ഷ്യം എന്ന ചിത്രത്തിലൂടെ ബാലതാരമായിട്ടായിരുന്നു മഞ്ജുവിന്റെ സിനിമയിലേക്കുള്ള അരങ്ങേറ്റം.പിന്നീട് 18മത്തെ വയസ്സില്‍ സല്ലാപം (1996) എന്ന ചലച്ചിത്രത്തില്‍ നായികാ കഥാപാത്രത്തെ അവതരിപ്പിച്ച് ശ്രദ്ധേയയായി.

മലയാളത്തിലെ ലേഡിസൂപ്പര്‍സ്റ്റാര്‍ എന്നാണ് താരം അറിയപ്പെടുന്നത്. എന്നാല്‍ ഇപ്പോള്‍ അഭിനയത്തില്‍ തനിക്ക് സംതൃപ്തി തോന്നിയിട്ടില്ലെന്നാണ് താരം പറയുന്നത്. ഒരു ഷോട്ട് കഴിഞ്ഞാല്‍ ഷോട്ട് ഓകെ എന്ന് പറഞ്ഞ് കേള്‍ക്കുന്ന സന്തോഷമാണ്. എന്നാല്‍ എല്ലാവരും അംഗീകരിച്ചാലും, ഷോട്ട് കഴിഞ്ഞിട്ട് കുറച്ച് കൂടെ നന്നാക്കാമായിരുന്നു എന്നാണ് എപ്പോഴും ചിന്തിക്കുന്നത്. ഇന്ന് ഷോട്ട് ഓകെയാണ് എന്ന് പറഞ്ഞു, ഗംഭീരം എന്ന മനസ്സമാധാനത്തോടെ കിടന്നുറങ്ങുന്ന രാത്രികള്‍ എനിക്കില്ല എന്നുമാണ് താരം പറയുന്നത്.