സിനിമാരംഗത്ത് മാത്രമാണ് പ്രശ്‌നങ്ങള്‍ എന്ന രീതിയില്‍ പ്രചാരണം നടക്കുന്നു: ഖുശ്ബു

പ്രേക്ഷകരുടെ എക്കാലത്തെയും പ്രിയപ്പെട്ട നടിയാണ് ഖുശ്ബു. 1970 സെപ്റ്റംബര്‍ 29 നാണ് ഖുശ്ബുവിന്റെ ജനനം. താരത്തിനു ഇപ്പോള്‍ 52 വയസ്സാണ് പ്രായം. നടി, രാഷ്ട്രീയക്കാരി, സിനിമ നിര്‍മാതാവ്, ടെലിവിഷന്‍ അവതാരക എന്നീ നിലയിലെല്ലാം ശ്രദ്ധിക്കപ്പെട്ട താരമാണ് ഖുശ്ബു. നഖാത് ഖാന്‍ എന്നാണ് താരത്തിന്റെ ആദ്യത്തെ പേര്. മുസ്ലിം കുടുംബത്തിലാണ് ഖുശ്ബു ജനിച്ചത്. ബാലതാരമായി സിനിമയിലെത്തിയപ്പോള്‍ ഖുശ്ബു എന്ന പേര് സ്വീകരിച്ചു.

ഇപ്പോള്‍ സിനിമാരംഗത്ത് മാത്രമാണ് സ്ത്രീകള്‍ക്ക് നേരെ ഇത്തരത്തിലുള്ള ചൂഷണങ്ങള്‍ നടക്കുന്നത് എന്ന രീതിയിലാണ് ഇപ്പോള്‍ വാര്‍ത്തകള്‍ പ്രചരിപ്പിക്കുന്നതെന്ന് തുറന്നുപറയുകയാണ് ഖുശ്ബു. ചെന്നൈയില്‍ മാധ്യമപ്രവര്‍ത്തകരോട് സംസാരിക്കവെയാണ് തന്റെ ആശങ്ക ഇപ്പോള്‍ ഖുശ്ബു തുറന്നുപറഞ്ഞത്.

സിനിമ മേഖലയില്‍ മാത്രമല്ല പല മേഖലകളിലും ഇത്തരത്തില്‍ സ്ത്രീകള്‍ക്ക് നേരെ അതിക്രമങ്ങള്‍ നടക്കുന്നുണ്ട്. മാധ്യമ രംഗത്ത് ഐടി മേഖലയിലും രാഷ്ട്രീയത്തിലും സമാനമായി സ്ത്രീകള്‍ ചൂഷണം ചെയ്യപ്പെടുന്നുണ്ട്. എന്നാല്‍ സിനിമാരംഗത്തെ മാത്രം പ്രതിക്കൂട്ടില്‍ ആകുന്ന വിധത്തിലാണ് ഇപ്പോള്‍ നടക്കുന്ന പ്രചാരണങ്ങള്‍ മുഴുവനെന്നും ഖുശ്ബു പറയുന്നു.