മലയാള സിനിമയില്‍ നിന്ന് എനിക്കും മോശം അനുഭവങ്ങള്‍ ഉണ്ടായിട്ടുണ്ട്: സുപര്‍ണ

മലയാള സിനിമയില്‍ നിന്നും തനിക്കും മോശം അനുഭവങ്ങള്‍ നേരിടേണ്ടി വന്നിട്ടുണ്ട് എന്ന് തുടര്‍ന്ന് പറഞ്ഞ് നടി സുപര്‍ണ ആനന്ദ്. മലയാളത്തിലെ മുന്‍നിര താരങ്ങള്‍ക്കെതിരെ ലൈംഗികാരോപണ പരാതികള്‍ ഉയര്‍ന്നുവന്ന സാഹചര്യത്തിലാണ് സുവര്‍ണ തന്റെ അനുഭവം തുറന്നു പറയാന്‍ തയ്യാറായിരിക്കുന്നത്

മലയാള സിനിമയില്‍ നിന്ന് ഉള്‍പ്പെടെ നിരവധി മോശം അനുഭവങ്ങള്‍ നേരിടേണ്ടി വന്നിട്ടുണ്ട്. അതിനൊന്നും നിന്നുകൊടുക്കാത്തതുകൊണ്ടാണ് സിനിമ തന്നെ വിടേണ്ടി വന്നത്. കാസ്റ്റിംഗ് കൗച്ചടക്കമുള്ള പ്രവണതകള്‍ അന്നേ സിനിമയിലുണ്ട്. ഹേമ കമ്മിറ്റി റിപ്പോര്‍ട്ട് പുറത്ത് വന്നതിനുശേഷം ഉ പദ്രവിച്ചവരുടെ പേര് പുറത്ത് പറയാന്‍ നടിമാര്‍ കാണിച്ച ധൈര്യത്തെ അഭിനന്ദിക്കുന്നു.

കേസെടുത്തിട്ട് പോലും എംഎല്‍എ സ്ഥാനത്ത് തുടരുന്ന മുകേഷ് രാജിവെയ്ക്കണം എന്നാണ് എന്റെ അഭിപ്രായം. മുതിര്‍ന്ന നടന്മാരായ മമ്മൂട്ടിയുടെയും, മോഹന്‍ ലാലിന്റെയും മൗനമാണ് എന്നെ ഏറെ അമ്പരപ്പിക്കുന്നത്. തെറ്റ് തെറ്റാണെന്ന് പറയാനുള്ള ആര്‍ജ്ജവം മമ്മൂട്ടിയും മോഹന്‍ലാലും കാണിക്കണം എന്നും താരം പറഞ്ഞു.