‘പുഷ്പ 2’ ക്ലൈമാക്സ് രംഗങ്ങൾ ചോർന്നതായി റിപ്പോർട്ട്

അല്ലു അർജുൻ നായകനായി എത്തിയ പുഷ്പയുടെ രണ്ടാം ഭാഗത്തിന്റെ അണിയറ പ്രവർത്തനങ്ങൾ പുരോഗമിച്ചുകൊണ്ടിരിക്കുകയാണ്. എന്നാൽ പുഷ്പ 2 ന്റെ ക്ലൈമാക്സ് രംഗങ്ങൾ ചോർന്നു എന്ന റിപ്പോർട്ട് ആണ് ഇപ്പോൾ പുറത്തുവന്നിരിക്കുന്നത്.

ലൊക്കേഷനിൽ നിന്നുമുള്ള രംഗങ്ങൾ എന്ന അടിക്കുറിപ്പോടെയാണ് പുഷ്പാ 2 വിന്റെ എന്ന പേരിൽ ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നത്. സെക്കൻഡുകൾ മാത്രം ദൈർഘ്യമുള്ള ഒരു വീഡിയോ ആണ് സോഷ്യൽ മീഡിയയിലൂടെ പ്രചരിക്കുന്നത്. എന്നാൽ ഈ വീഡിയോയിൽ താരങ്ങളുടെ മുഖം വ്യക്തമല്ല.

അണിയറ പ്രവർത്തകർ ചേർന്ന് ഒരാളെ വലിച്ചു പൊക്കുന്നതാണ് ദൃശ്യങ്ങളിൽ ഉള്ളത്. നേരത്തെയും പുഷ്പ 2 ന്റെ ചിത്രീകരണ വേളയിൽ ഉള്ള ദൃശ്യങ്ങൾ ചോർന്നിരുന്നു. ചിത്രത്തിലെ രശ്മിക മന്ദാനയുടെ ലുക്ക് ചോർന്നു എന്നാണ് നേരത്തെ പുറത്തുവന്ന റിപ്പോർട്ടുകൾ.

ഓഗസ്റ്റിൽ ചിത്രം റിലീസ് ചെയ്യുമെന്ന് ആയിരുന്നു നേരത്തെ പുറത്തുവന്ന വാർത്ത. എന്നാൽ പിന്നീട് അത് മാറ്റി ഡിസംബറിലേക്കാക്കുകയായിരുന്നു. ചിത്രത്തിന്റെ സംവിധായകനും അല്ലു അർജുനൻ തമ്മിൽ സ്വര ചേർച്ചകൾ ഉണ്ടെന്ന് വാർത്തയും പുറത്തുവരുന്നുണ്ട്.