ജൂനിയര്‍ ആര്‍ട്ടിസ്റ്റാകാന്‍ പോലും പറ്റില്ലെന്ന് പറഞ്ഞ് തന്നെ തിരിച്ചയച്ചിട്ടുണ്ട്: ഐശ്വര്യ രാജേഷ്

തെന്നിന്ത്യന്‍ സിനിമ ലോകത്തെ സജീവ സാനിധ്യങ്ങളില്‍ ഒരാളാണ് ഐശ്വര്യ രാജേഷ്. തമിഴിലും തെലുങ്കിലും ഒരുപിടി മികച്ച വേഷങ്ങള്‍ അവതരിപ്പിച്ച് പ്രേക്ഷക പ്രശംസ നേടിയ താരം ഹിന്ദിയിലും മലയാളത്തിലും അഭിനയിച്ചിട്ടുണ്ട്.

ഇപ്പോള്‍ ഒരു സംവിധായകന്‍ അപമാനിച്ച സംഭവം പറയുകയാണ് താരം. പത്ത് വര്‍ഷം മുമ്പ് ഒരു സംവിധായകന്‍ സിനിമയിലേക്ക് കാസ്റ്റ് ചെയ്യുമ്പോള്‍ ഞാന്‍ പോയി. എനിക്ക് നായികാവേഷം വേണ്ടായിരുന്നു. പ്രാധാന്യമുള്ള ഒരു കഥാപാത്രം.

ഓഫീസില്‍ ഇരിക്കവെ ആരാണ് ഈ പെണ്‍കുട്ടിയെന്ന് സംവിധായകന്‍ സ്റ്റാഫിനോട് ചോദിച്ചു. ചാന്‍സ് തേടി വന്നതാണെന്ന് അവര്‍ പറഞ്ഞു. ജൂനിയര്‍ ആര്‍ട്ടിസ്റ്റാകാന്‍ പോലും പറ്റില്ല. തിരിച്ചയക്കെന്ന് എന്റെ മുന്നില്‍ വെച്ച് പറഞ്ഞു എന്നാണ് താരം പറയുന്നത്.